Popular Bible Verses from मार्क 2

Share

एहेलोह उनाइत कोइत ईसु तियांहां कोयो, “नेरा माअहोंहों डाक्‍टरोअ गरज ने रोत्ली, पोन मांदवाड़्याहां रोत्ली. आंय धर्मी माअहोंअ काजे नाहां, पोन पाप्योंहों हादीइलोअ काजे आवयुहू.”

तियांआं विश्वास देखीत कोइत ईसु लखवाअ मांदवाड़्या माहुंहूं कोयो, “माआं सोआ, ताआ गुनाआं माफी ओवीही.”

ईसु तियांहां कोयो, “आरामोअ दिही माअहोंअ काजे बोणावयुहू, माहुंउं आरामोअ दिहोअ काजे नाहां.

पोन गर्दी ओती तिहीं वाअहीं तिया मांदवाड़्याहा ने लेत जात सेक्‍या. ताहां ते तो ओतू तिहींइं कोओ पोर्‍येए नाल्ल्ये फेड़ी देदे आन जिया खाट्लापोअ तो ओतू तिया खाटलाहा ते कोओपोअ रोत निसे उतरीत सेके एहेलोह गालो कोअयो आन तिहीं तिया मादवाड़्याहा उतार्‍यो.

पोन जिया वाअहीं तुमू जाईंत लेअहूं जोवे के, माहुंउं बेटाह्हाहा धरती पोअ गुनाआं माफी कोइलोअ आधिकार होय.” ताहां तो तिया लखवा लागला माहुंहूं कोयो, “आंय ताहूं कोहो, उठ, ताआ खाट्लो विस आन कोअ जा!”

या लखवा लागला माहुंहूं ‘ताआ गुनाआं माफी ओवी’ एहें कोअलोअ सोपो के ‘ऊठ, ताआ आथरुउ विस आन सालु वोल’ एहें कोअलोअ सोपो?

तियां आखा माअहोंअ देखताइज तो मांदवाड़्यु उठ्यू, तियाआ आथरुउ विसीत लेदो आन जानु वोल्यू. ओं देखीत आखे माअहें बोगलाइत गोये आन देवोअ स्तुती कोअते जात कोतेहे, “आमू एहेलोह केधिहींज नाहां देख्यो!”