Popular Bible Verses from मत्तय 24

Share

आन पाप वादीत जाय तिहीं वाअहीं वारुज जोंओंअ मेर हेली पोड़ीत जाये. पोन जो आखरी जाआं धिर खेटीत रोय, तोज वासाय.

आन राज्याआ ए हाजी बातमी आखा देसोमेहें साक्शी ओवे तेहें काजे आखा दुन्यामेहें परसार ओवे, ताहां सेवट ओत जाय.

तुमू लढाय आन लढायीइ सर्सा उनाअहा; पाला, काबराइत मा जाहा; काहाके ओं ओवनारोजे. पोन तियी वेले सेवट ने ओवे.

काहाके जाती पोअ जाती, आन राज्यापोअ राज्यो लढाय कोए, आन जागे जागे काल पोड़े, आन धरती आले. ए आखी गोठी ठाल्ले पोड़ीइलोअ पेल्ले वेणे जेहें होय.

जुगेन धरती आरवात जाय, पोन माआं वसने केदीहींज ने आरवाय.

काहाके वारुज एहलेहे माआं नाव से आवित कोये, ‘आंय ख्रिस्त होय,’ आन वारुज जोओंहों ठोगी देये.

“ताहां तुमुहूं दुख देअलोअ काजे तोइत आपे, आन माइत टाके आन माआं नावोअ वाखरी आखी जातीइ माअहें माआं वाखरी तुमाआं सीस कोए. तेहेलाम वारुज जोएं तियांआं विश्वास सोड़ी देये, आन एकान बिहीराहा तोइत आपेन, एकान बिहीराआ सीस कोए. ताहां वारुज ठोग भविश्यवक्ता देखाय आन वारुज माअहोंहों ठोगी देये.

ईसु तियांहां उत्तर आप्यो, “हेएजा! कोडो बी तुमुहूं ने ठोगुहूं जोवे.

तियाहा काजे तुमू बी तियार रोवा, काहाके जियी वेलेए बाप्तिम तुमू विसार बी नाहां कोअते, तियी वेले माहुंउं बेटुह्हू आवित लागे.

तियाहा काजे जागते रोवा, काहाके तुमू नाहां जांअते के तुमाआं प्रभु कोड्ले दिहे आवे.

“कोडाहाज तियी वेलेए आन दिहोअ बाप्तिम नाहां मुंदू, नेत होरगाआ दुतोहो, आन नेत बेटाह्हाहा, पोन निस्तो बाह्हाहा एतोज मुंदू होये.

काहाके ख्रिस्तविरोधी आन ठोग भविश्यवक्ता उठीत उबा रोये, आन वोडी निशाणी आन वोडे कामे देखाड़े, के जर ओत सेके ते निवड़ीइल्याहां बी ठोगी देये.

जेहेलाहा नोहाअ दिही ओता, तेहेंज कोइत माहुंउं बेटाह्हाआ बी आविइलोअ ओवे. काहाके जेहेलाम रेल आवल्यी तिया गालाहा माअहें खातेतेन-पितेते, आन तियांमेहें वेहेवाले बी ओवतेते. जाअहूं जाआं नोहू जाहाजीम ने सोढ़्यू, आन एक्काइजे रेल आवित कोइत तियां आखाहा वोहाड़ीत लेत ने गोयी, ताअहूं जाआं तियांहां किज मुंदू ने गोयू; तेहेंज माहुंउं बेटाह्हाआ बी आविइलोअ आवे.