Popular Bible Verses from लुक 8

Share

पोन हाजा कादवुमेर्‍येए एं होय, जें वसन उनाइत कोइत हाजा आन बाहरी मोनोमेहें सांबालित मेकतेहे, आन बागेज रोत फलतेहे.”

जे दाणा काटाआ पेणसाम पोड़्याते, तें ए होय, जें उनाअतेहे, पोन आगाड़ी सालता सालतामेहें कालजी, मालधन आन जिवनोअ मोज्यामेहें ठोगाअतेहे आन तियांआं फल नाहां पाकतो.

खोरबामेर्‍येए एं, जे उनाअतेहे तेहेलाम खुसी वाअहीं मानित लेतेहे, पोन ते उंडे रोत विश्वास नाहां कोअते, तिहीं वाअहीं थोड़ीक वाआ जाआं विश्वास कोअतेहे आन परिक्शाआ वेल आवेहे, ताहां विश्वास सोड़ी देत जाते रोतेहे.

ताहां तिये सेलाहां कोयो, “तुमाआं विश्वास खोतू?” पोन ते बित गोया आन पोंगलात गोयाते आन ताहराआ एकान-एकाहा कोना वोल्‍या, “पोन ओ होय तेबी कोडू? जो वादुहू आन पाअयोंहों बी आदेश देहे, आन ते तियाआ मानतेहे?”

वाटे पोअ पोड़्ये तें एं होय, जे उनाअत्ले; ते विश्वास मिकीत कोइत सुटका ने मिलवुहूं जोवे कोत सैतान आवित कोइत तियांआं मोनोमेहें रोत वसन काडीत लेत जातु रोत्लू.

जो किज बी निकाअलो ओय, तो खुल्लो ओत जाय, आन जो किज टापाअलो होय उगड़ीत जाय.

जाहां तियी बायी देख्‍यो के आंय निकाइत नाहां सेकती, ताहां थरथर कापतीज आयी आन ईसुउ हुंबर पागे पोड़ीत कोइत आखाआ सामने कोत देखाड़्यो के काहा कोत आथ लागाड़्यु आन केहें कोइत ताबुड़ हुदरीत गोयी. ईसु तियीही कोयो, “माआं सोई, तु ताआ विश्वासो वाअहीं हुदर्‍यीही, होकेहे जाती रो.”

ताहां ते ईसुउ जागे जात कोइत तियाहा जागाड़ताज कोना वोल्या, “मालिख, मालिख! आपू मोइत जाअहूं कोअताहा.” ताहां ईसु उठीत कोइत वादुहू आन पाअयोंअ सेलकाहां आदेश आप्यू आन तें शांत ओत गोये, आन तिहीं होक आवित लागू.