Popular Bible Verses from लुक 6

Share

बिहीराहा बी आपा, ताहां तुमुहूं बी जोड़े. माअहें दाबी दाबीइ आन ठेहीं ठेहींइं आन सिकार पोइत उबाय ताअहूं जाआं टाके, काहाके जिया मापोवाअहीं तुमू मापित कोइत आपतेहे, तियाज मापोवाअहीं तुमुहूं बी मापित कोइत जोड़े.”

हाजो माहुंउं तियाआ हाजा मोनोअ भांडारोम रोत हाजी गोठी काडेहे, आन बाक्त माहुंउं तियाआ बाक्ता मोनोम रोत बाक्ती गोठी काडेहे; काहाके जो मोनो मेहें होय, तोज सोबीमेहें रोत निहेंहें.

पोन तुमाआं दुस्मोनोपोअ मेर कोआ, आन हाजे कामे कोआ, फाशोअ वापिस लेअलाआ आशा वाअहीं उदारो मा आपहा; तुमाआं कोअते वोडो बक्शीस रोय, आन तुमू वोडाम वोडा देवोअ पोर्‍ये गोणाअहा, काहाके जे आभार नाहां मानते आन बाक्ते होय तियांपोअ बी तो मायालु होय.

जेहलुहू तुमाआं देव बाह्हू दयालू होय, तेहलेज तुमू बी दयालू बोणा.

“बिहीराआ न्याय मा कोअहा ताहां देव बी तुमाआं न्याय ने कोए. बिहीरा पोअ आरोप मा लागाड़हा, ताहां तुमापोअ बी आरोप ने लागे. बिहीराहा माफ कोआ, ताहां तुमुहूं बी देव माफी कोए.

“पोन आंय तुमुहूं कोहो जे उनाअतेहे: तुमाआं दुस्मोनोहों मेर कोआ; जे तुमाआं बाक्तो कोए तियांआं हाजो कोआ. जे तुमुहूं हाराप आपे, तियांहां आशिर्वाद आपा; जे तुमुहूं डाणवे तियांआं काजे प्रार्थना कोआ.

जेहें कोइत माअहें तुमाअरी सालुहूं जोवे एहेलोह तुमुहूं लागतोय, तेहेंज कोइत तुमू बी तियांअरी साला.”

जो ताआ एका गालोपोअ देय, तियाअहें बिहीरु गाल बी कोई दे; जो ताआ कोट बुउसे तियाहा आंगड़ो बी लेत जाअहूं दे. जो कोडो तापोअ मागे तियाहा आप; आन जो कोडो ताआ वस्तु बुउसीत लेय, तियापोअ फाशुउ वोलीत मा फुसही.

एक हाजो साड़ खाराब फल नाहां आपतो, आन खाराब साड़ हाजो फल नाहां आपतो.

हारेक साड़ तियाआ फलोवाअहीं ओलखाअहे, काहाके माअहें काटाआ साटवाम रोते अंजिर नाहां पाड़ते, आन नाहां साकरुमेहें रोत दाराक्शे तोड़ते.