Popular Bible Verses from प्रेशित 3

Share

तिहीं वाअहीं, पापोअहें रोत मोन फिरवा आन वोलीत आवा मोन्ज्ये तुमाआं पाप माफ ओत सेके

ताहरुउ पेत्रे कोयो, “मापोअ नाहां सांदी आन नाहां होनो, पोन जो मापोअ होय तों ताहूं आपोहो; नासरेथवाला ईसु ख्रिस्ताआ नावसे सालु वोल.”

आन पेत्रे तियाहा हाजाड़्यू आथ तोइत कोइत उठाड़्यु; आन ताब्बुड़ तियाआ गुडाम आन टोसणोम सेक्ती आवित लागी. तो उसलीइतुज उबू रोत गोयू, आन सालु-फिरु वोल्यू; आन सालतू, नासतू, आन देवोअ स्तुती कोअतूज तियांअरी मंदिरोम गोयू.

आन तियाआज नावम, तिया विश्वासो वाअहीं जो तियाआ नावोपोअ होय या माहुंहूं ताकत जोड़्यीही; जियाहा तुमू पालतेहे आन जांअतेहे बी, तियेज विश्वासे जो तियाआ नावो वाअहीं होय, याहा तुमा आखाआ हुंबर मोस्तेए हुदारी देदुहू.