Popular Bible Verses from Nzyeté 17

Share

Ábalam la gwɔ́ tà ńgẅiin ngùʼ ntsɔ̀b lepfwɔʼɔ́ lé móm lepfwɔʼɔ́, Cʉ̀apʉ̀a kẅɛɛ mvfò yé, ńgɔɔn né yé ngie: «Mèŋ n gee Ssé gie e pú ńgẅiin ngʉ̀ʼ. Giŋ páʼ n ne ńkwoŋo, gwɔ́ shwòŋe ńdiŋe.

Mé té ge gíŋe tóŋo gú lê Ábalam wɔ́, ɔ̀ cʉ̌ʼ ńgwɔ́ pɔ́ Ábalaham. Mélàʼmie n gÿǒ, ɔ̀ cʉ́ʼʉ mángʉanjʉʼ pʉ̀a mengwòŋ tà ńgyɔ́ɔn.

N ge kúʼte kʉ̀a yɔ́gɔ̀, áa kʉ̀a té láʼ ḿmag. Á ge fó na gù, é kúu na ngẅɛ̀ jù mejwoŋó mejwoŋó. À cʉa púʼu, n gwɔ́ Ssé jù. Ńgwɔ́ ye ngẅɛ̀ jù, tà mbɔɔ fʉ̀ʼ gie ɔ̀ te láʼ gíŋe gwɔ́ wó wɔ́.

«Akʉ̀a gie n ge gÿo pɔ̀gɔ gwa, á yɔɔn: ɔ̀ ge gÿo gwɔ́ mángʉanjʉʼ mengwòŋ tà ńgyɔ́ɔn.

E Ssé gɔɔn ngie: «Ngǎŋ, á té púʼu wɔ́, pi nzwě gù Sǎlà ge gÿo zyé tàʼ múɔ mbàŋa. Ɔ̀ tsẅi lezíŋ sé lê Ésàg. N ge gÿo gÿo akʉ̀a yɔ́ɔn gie áa kʉ̀a temàg, à gwɔ́ yé, ńgwɔ́ ye ngẅɛ̀ yé; tà mbɔɔ fʉ̀ʼ gie à te láʼ gíŋe gwɔ́ wó wɔ́.»

N ge gÿo náa láʼ gie ɔɔ wó, ńgwɔ́ ngʉ̀ lɛ̂ né gù, tà mbɔɔ né ngẅɛ̀ jù gie e ge láʼ tá gwɔ́ wó. Ngwòŋ Kánàhan ntsèm ge láʼa cʉ́ʼʉ gwɔ́ pɔ́ wɔ́b. M biŋ ńgwɔ́ Ssé yɔb.»

Ábalaham júʼ púʼu, ńŋwɔ́ʼ nnɛ́ tà zǐ yé kíbe ssé, tá ńgẅe, ńtí nue à la ne ńkwaŋte tsɛ̀ɛ ntʉ́m yé ngie: «Mèŋ gẅie n gẅǐin ngùʼ nkÿo, ngwɔ́ á cʉa lêkɔ́ tà mèŋ n gíŋe ńzyé? Ngwɔ́ Sǎlà gẅie à gẅiin ngùʼ móm lepfwɔʼɔ́ gíŋe ńzyé múɔ lá?»

E Ssé gíŋe ńgɔɔn né Ábalaham ngie: «Te gíŋe ńtóŋo nzwě gù lê Salayi, mé ge cʉ́ʼʉ tóŋo yé pɔ́ lê Sǎlà.

Lepuʼú jʉʼʉ nnɛ́ ŋwɛ́ ge láʼa gwɔ́ liŋé kʉ̀a gie áa tsetsɛ̀ɛ pege.

Táʼ, ńgʉa na kʉ̀a yɔ́ɔn, mbà peg Ésàg ge gwa, aa múɔ gẅie pi Sǎlà ge zyé fʉ̀ʼ páʼɔɔn, á ntyě fʉ̀ʼɔɔn.

Mé ge láʼa zyé múɔ mbàŋa na ngẅɛ̀ gi mejwoŋó mejwoŋó, e cʉa lyɛ̌ʼ lefɔ̌ɔn léfó lyɛʼɛ́ nzyé, mé púʼu yé. À kwoŋ á gwɔ́ zyé gẅi, ńkwoŋ á gwɔ́ zyé nyìŋ gẅie mé la lɔg nkáb ńjúu yé mbwó nyìŋe túm gẅie à te na ngẅɛ̀ gi wɔ́. Púʼu la, mé ge láʼa púʼu múɔ mbàŋa gẅie à kẅɛɛ na ngẅɛ̀ gi, mbɔɔ gẅie mé lɔ̌g nkáb jù, ńjú. Akʉ̀a yɔ́ɔn gie áa na mbab nnɛ́ gi, aa kʉ̀a temàg.