Popular Bible Verses from Mark 13

Share

Mileune a zi ziemne nnuide ngaurau dizie. Dede kamtube ga kecang lia kelube, cipaude de kelilu zie.

Cine mriak bamlu! Kwa nah kie eh bamlu, kedanemene nnui peting be daidau ziebi ci melu.

Penui nnuide tuilwe mi ba gage kedi kera dau, nnui dai rang zie bi cet pwa nnui lung keherei diso. Dede peting siak dau Tinggwang nnuide ranglo kebeu de ranglu; kedanemene sam kerang de au nnui lak, dede Kemci Rabe ne zielu.

Tingkam nah kideu gah dizie, dede a samdung au madaude gah dilak.

Dede cipau tingba de nah pe bamdakkakbe au migede cima, tinggim ga tinggimgwame de, mede Nabe liede, dede Peibe rünne ci.

Nnui hereu regi kecu nah hereu regi kebam hadung siu kelu dau, nnuilung keherei diso; ma aidungde tei maisia bam, dede cide au kamtube di mereu.

Ciziemne mriak eh bamlu, kedanemene ki mpaube dai dau gwang ziebi nnui ci melu, tinghegi dau ziemi, muisum dau ziemi, mede nrui kekwa dau ziemi, mi tingcang ziebi, mede magade pa zette gwang dicai, pa nnui zipbam eh ngau di lubui. Cine Ih nnui dage rang kegai de Ih mileune dage ranggai la: Mriak eh bamlo!”

Heleuh ge ne heleuh keda gede ngaurau cuh dizie, nah hegwang ge ne hegwang keda gede regi zie, luga aika nnuiteu dizie, nah herakumkum dizie. Ma aidungde au kemna tedteei keherei keraidung da.

Dede keraibe samliakeyi heleuhbe pelane dage paulia rai maisia.

Mina kekieege a zi teu gwang eh, ‘Ih pa da,’ de rangzie, iciu eh penui mina kekieege de cwateu dizie.

Nnui nnuikatei de mcet siakte bamlu maisia. Penui nnuide baudidung nah synagoguedung dwaga teu gwang zie, nnuide dapzie, nah a ziemne nnui deuceudidung nah hegwangmedung dwa sap zie, iciu eh cide penui dage zierang ge zie.

Kedanemene kemret Khrista kekiee nah caihakeci kemretdung gwang dizie nah marehidung nah miswakegahdung teizie, iciu eh teilu buicai, kedetkelume de cwalu kerane.

Dede cipau tingdau, keherei kelu cai, tingnaimiak mui dizie, nah hekei pe kebaa peuta dizie; hegidung tingkam gade cakmie bam dizie, nah tinggimdung ga kengkieng kebamdung de de teukelai dizie.