Popular Bible Verses from Luke 3

Share

Cu ciciu eh mina pelane duipum tei luge, Jisu de de duipum teilu nah pa kekie tei kebam dau, tinggimdung ngkeidi, nah Kemci Rabe pumbe rehi gade tamhau nzwa pereu ga hung, nah tinggim gade makwa ge, “Nang au a na, akube. Ih ncu a suiyi luda,” de eh gwang.

John keli eh, penui pelane dage ranggai, “Kesang Ih nnuide duile duipum tei, dede mige aswa de ngkieng gwa cuge gwang zeu, Ih au pe kila tei kera nah pe picum ria hiak kerade dui lie. Pa Kemci Rabe nah mi le nnuide duipum tei zie.

Ciziemne, helung nreulu kebui tsidung bui lulo, nah nnuikatei nnui lung gade, ‘Anui au anui pei Abraham bam lie,’ de eh rang cuh so, kedanemene Ih nnui dage rangla Tinggwang au aipau tsudung dele Abraham name teu cuhlu bui.

Iciu liede, mreu de au tsingbangdung mah gage kai dida. Cine tsingbang petsi keyi buila kemak keheibe de bi kaudi eh mi gage kelien gaidi zie.”

Caihakecibe Isaiah samdung kesanglaisiu ga raupwa kebam nzwa eh, “Mige hetaideu gade makwa sah eh, ‘Rampaube lampui de mtei lulo, Pe lampuidung tei mzui lulo. Langkam leune tei pui luzie, nah lamlwatu nah kideutu leune tei hena dizie, nah lampui kengkoidung de tei mzui dizie, nah lampuidung kesia de tei mdui dizie, nah mina pelane Tinggwang kelikelu de ngau zie.’”