Popular Bible Verses from John 14

Share

Ih lungciep kaipwa nnuide peuzie, Ih a lungciep nnuide peu zie. Kideube kepeu nzwa Ih nnuide peu lama. Nnui lung be de peu keherei diso, nah ngngi diso.

Jisu pe dage rangdi, “Ih au lampuibe, nah kesangbe, nah keringbe; a dade kemak cai migede Peibe da gwang gailak.

“Nnui lung keherei diso. Nnui Tinggwang de nlumlu, acu de nlum bamlu.

Ciuliede, Helungtaukemlabe, Kemci Rabe Peibe a zi gade langgai beuzie lie kela, pa ma pelane nnuide ledeu beuzie, nah pa ma pelane Ih nnui da rang kebeudungde nnuide peu nsung dai luzie.

Keheibe de a sam kai kebeudung nah cidungde mzai kelame, acu ku kelame da, nah acu hung kelame Apei ne hung zie, nah Ih cipaume de hung zie nah Ih akatei acu pwa cipaume de lia zie.”

nah Ih Peibe dade kie zie; iciude pa kelungta nnuide ngngwala luzie nah pa Helungtaukemlabe kedage nnuide peuzie, kesang Rabe. Cide kideube pecu luulu gailak kedanemene pecu ngaula kemak ne mede pecu cikemakne. Dede nnui pecu cibam, kedanemene pa nnuide ngngwalung la nah nnui lungga bam zie.

Nnui a zi gade makeheibe de kie kegai, Ih aide tei beuzie, iciu eh Nabe dade Peibe zi tei ndu luzie. Nnui a zi gade makeheibe a dade kiecai, Ih cide tei beuzie.

Nnui acu hung liecai, nnui a sam kai kebeudung mzai luzie

Apei ki ga kibungdung kekiee ge bam. Dede Iciu melie cai au, Ih nnui dage ranggai beu dizie nage, Kedanemene Ih au nnui ziemne heni ge mtei beulai eh bam.

Ih mie eh nnui ziemne heni ge mtei lude, Ih cailigwang daizie nah akatei nnuide ngngwa luzie, iciu eh nnuide Ih kebam ga bam luzie.

Thomas Jisu dage rangdi, “Rampaubo, nang daiga tetgai ziebi anui ci ma, anui dainzwa eh lampuibe cilu laino?”