Popular Bible Verses from Tetkempet 20

Share

“Ih RAMPAUBE nnui Tinggwang, Egyptme deudi gade, kilabaang tei kebam gade nnuide ngngwampet kebeube. Acu gwale nnui hera keda gede reca lak.

Nnui katei ziemne mamie gede rekiso mede nreule Tinggim ga kebam rehi dungde nzwa, mede kideu kangga kebam, mede dui kangga kebam. Nnui cidungde da keumie so mede reca so, kedanemene Ih, RAMPAUBE nnui Tinggwang, a riak tei kela Tinggwang. Ih mi paume kesia de ziemne saja peula, heleuhbe dage keherei teu gwangbeu eh, ceheu pe kecumbe nah pe mdaibe acu ngau ngkau kelame dage.

N pei nah N pui de rütlu, iciude nnui peting ketie ge RAMPAUBE n Tinggwang ne ncu kepeu deu dega lungh luzie.

Sabbath tingba de nsunglu, a ziemne teimci lu kerane.

Nnui RAMPAUBE nnui Tinggwang zi kemta gade teu so, kedanemene a zi kemta gade teu kelame de Ih saja peuzie lu.

Nnui mata tei maisia nah lang herokne ziemne nnui ta leune teilu. Dede lang henane tingba de au RAMPAUBE nnui Tinggwang gu Sabbath lie. Cipaunai nnui mata gede teilak, nang de, mede n napeime de, mede n napuime de, mede n kila peime, mede n kila puime, mede n kauruine, mede sangme nnui kirie lungga kebamme de.

Nnui nnui kidabe ki hengin so; nnui nnui kidabe naude hengin so, pe kila peime, pe kila puime, pe tumseu, pe gada, mede nnui kidabe gu ma keheibede.”

Nnui kida cainame de kemmau kemret zierang teiso.

Nnui kemmha ta teiso.

Nnui migede de daptset so.

Nnui mige dade de rega so.