Popular Bible Verses from Tetkempet 16

Share

Israelme penai dage rangdi, “Anui Egyptme deuga anui hetei li taiga bam eh nah tangku tyei keneu kieege tyeilu kebamdau RAMPAUBE ba rünne gade tsai dilu liecai. Iciu eh nnai ne anuide hetaideu aika ngngwa gwang luda anui leuhme pelane depeu nzeu eh tsaidi kerane.” Pecai RAMPAUBE Moses dage rangdi, “Ih tangku nnui ziemne tinggim gade ruigai beuzie. Minadung mpet delwe pe tingnai gu langnai ramsangne hekwa luzie iciu eh penui a zai ga tet mi tetlak bi Ih penuide kedak pielu kerane.

Israelme pelane Moses penai Aaron de cipau hetaideu gade ncamdi.

Moses liede ranggai, “Nnui aide ci luzie RAMPAUBE tinghegi nnuide hetei nah tingcang tangku tyei keneu kieege ha kecudau, kedanemene nnui ncam eh pecu rangkemsia de pa siu luda. Aaron nah Ih caulie lano? Nnui ncam kecude au anai de ncam ma; dede cidungde au RAMPAUBE de ncam bam.”

“Ih Israel minadung ncam kegai siu luda. Penuide mpau eh rangbeulo, ‘Tinghegi penui hetei tyei kera ngau luzie nah tingcang tangku tyeilu kebui kieege ngau luzie. Cidau nnui Ih RAMPAUBE nnui Tinggwang lie kecu ci luzie.’”