Popular Bible Verses from Proverbs 2

Share

Kwanongwa Bambu Chapanga akuvagayila vandu luhunja, luhala na umanyi fikufuma kwa mweni.

Mwana wangu, pawujumila filongu fyangu, na kuvagola malawu vangu. Tegheli matu vaku upikana cha luhunja na ndima yaku yimanyi, widedeki upati luhunja, na pawudeta kwa lishu likomi ndima yaku yipati umanyi. Pawusaka luhunja kucha ukusaka mbiya, kucha wula ukusaka lusanja luyifisili. Pawugola naha, dawumanyi kumtundamila Bambu Chapanga chindu liki, na dawumanyi ndambu ya kumumanya Chapanga.

Bambu akuvavikila vandu vasangi luhunja lwa nyanyi, na mweni akuvadima yivayikala kwa unakaka. Akuvadima vandu vosi yivavagolela vayawu ugoleki, na kuvadima vala yivamkimbanikila mweni.

Kwanongwa vandu goleki davayikali mumlima, na vangajila mbatiwa davayikali amu. Lakini Chapanga davawushi vandu vawafu mumlima na yivavelili na vandu vawafu davakoposhiwi amu.

Luhunja dalukutangi kwisegha na mdala muwoni, mdala muwoni yayesha kukupughapugha kwa filongu finovili, mdala yamlekili bambu mundu wa ujana waki, na kulibedala lilaghanu lyagolili kwa Chapanga waki.