Popular Bible Verses from Proverbs 11

Share

Mundu yatawula kwa usangi dagayiliwi, yula yamtanga monga na mweni datangiwi.

Yatawula kwa usangi dayendileli kuva mlundamali, lakini mundu mwimi akuyendilela kuva mgaju.

Yivavelili na lukilu vakuyegha chindipa, lakini yivavelili vashishamoyu vana luhunja.

Mlima wungajila mutwa wukuwa. Mlima wuvelili na vakayika vatangalili wukusika.

Fyagola mundu goleki fikuyegha unofu, na mundu yavelili na luhunja akuvakwegha ndima sha vandu.

Mundu muhesi akujumiliwa ha, lakini mundu akumwidumbila yaveli na chifisu.

Mundu yalibushila akwinoma mweni, lakini mundu makuluhu akwigobola mweni.

Mundu yayidumbila mali shaki daghawi, lakini mundu goleki danemulili kucha lihamba lidodi.

Ulundamali chindu ha lijuva lya kusova, lakini ugoleki ukukulowola munjifwa.

Ugoleki wa vandu vasangi ukuvalongosha, na uvifyi wa vafyangu ukuvadanganyisha.

Mdala yavayilili yangajila luhunja, kava kucha pete ya chumang'andu mumbula ya ngubi.

Chapanga akuchinyekwa chigelu cha findu fingajila unakaka, lakini chigelu cha nakaka ndi seku kwa mweni.