Popular Bible Verses from Matayo 24

Share

Kwa mburi ya kususuika kwa makusa, vahe vakumure venero kudumuana. Mira enegumirija sari mkhito Kiumbi enekombo.

Mkhito usinahe, Mburi Kulho ya Udilao wa Kiumbi inebirikirwa hevahe va idi ikhabuna kalo vahe va madi makhabuna vako Mburi Kulho kuli he Kiumbi. Niho Kiumbi eneboi mkhito waidi uhe.

Muneko gimbe jaaku jimaanwa sina, na mburi ja aku jiaha uda, mira musibughenu, kwaite ka yedumuwa yaliijanye. Mira kayo teyeaija ite mkhito waahe.

Vahe va idi iwe venemaana na vahe va idi ihali, vahe va udilao muwe unekwekwe na vahe vaudilao mhali. Kira hodi henekhwa na kela na idi kuu. Ka makhabuna yenekhwa nisa kulholhoshi kwa mlage elhaiwa eaha sina kuakho muinyi.

Are ana heilhareno henetakho, idi nau linetakho, mira viome gho neri tevikatakho.”

Kwaite vahe vakumure venelita vekuba ite “Vo niu Kiristo.” Navo venevata vahe vakumure.

“Heka madamo vahe va madi makhabuna venemusanuiya venemudara kalo vamukharotije na kumugaa kune kwa mburi ya kukhwa vahina gho.” Kahali, vakumure venero kuniliaha ani, navyo venelhiana na kusanuiyana. Kamadamo venelijanya varoto vakumure va lame venevata vahe vakumure.

Yesu ekavaba, “Kuwesiisheni neri muhe asimuta.”

Kwato iji, nakune mukuke kikulho, kwaite Muinyi wa Muhe enelita he kela yo musiilie.

Kwato, aleni kwaite temuilie muaze hile kela yo enelita Dilao kaghu.

Mira he mburi ya muaze hile kela Muinyi Kiumbi enelita, kavyo tehelo muhe eviilie ite vinekhwa ami, neri vazasughawe va are ana he Kiumbi neri Muinyi, mira Aba salaghe bi niu eilie.

Vahe vakuwe venemuba, ani ni Kiristo hile nitesughawe ni Kiristo, na vahe vahali veneba, “Ani ni mroto kuli he Kiumbi” Mira viome kini vinekhwa vya lame. Veneboi vimako vigiru na vigi vikumure vigalho he maila ya vahe vya kumuru kuvata naho chikumuruika venevata na vahe velhoijwe ni Kiumbi.

Kwaite sahucho cheekhwae he maaze yakwe Nuhu, nicho chinezakhwa hehu madamo Muinyi wa Muhe ekuralita. Kwaite ka madamo, mare girusha jisinalita nakugera mai kumure, vahe veekua na kuwaha, veekudori na kudoriwa sari Nuhu areabuu za he mashua giru isewa safina. Ka vahe teveeilie kigi chineliijanya sari to mare girusha ireasi, ikavagaa vakhabuna. Nicho chinekhwa he madamo ya Muinyi wa Muhe ekuralita.