Popular Bible Verses from Luka 14

Share

mundu yeyose ahika kwa nenga awesa ng'ogha kuvile mvulwa wa nenga ikiva anipala ng'ogha nenga kupiti tati ghaki na nyongo ghaki, mhumbu ghaki na wana, walongo ghaki na wahaja ghaki, hata kulama kwaki mweni.

Yeyose katola ng'ogha lipingika ghaki na kunikovekela atewesa ng'ogha kuvile mvulwa wa nenga.

Kwaikiva yula ajigholili mkulu ateghuluswa na mundu yula ajigholili mnung'una ategholwa kuvile mkulu.”

Vilavila, yeyose paghati mwa mwenga akiva kawesa ng'ogha kuleka vyogha avikolili, anguwesa ng'ogha kuvile mvulwa wa nenga.

“Kwa nagha ni ghani paghati mwa mwenga avile paapala kuchenga lilingo, kalikala ng'ogha pahi na kuvalanga vingupalwa niki na niki ili aloli yiwa mapesa ghaki yanguwesa kuyomola lihengu?” Ikiva utewesa ng'ogha kughola nagha, unguwesa kutumbula kikalilo, ila ukasindwa kuyomola lighuta. Pausindilwi kuyomola, kila mundu atekuheka. Wakilonga, “Mundu hayu atumbulili kuchenga, ila kawesa ng'ogha kuyomola.”

Badili ghaki, pauyandala mhambu, uwapokeli wandu wavile na hindu ng'ogha au walemafu au wangali maghulu au mawoko na wangali mihu, na wenga utehighiliwa, kwaikiva hagha wawesa ng'ogha na kya kukuhipa. Hinu Sapanga atekupegha hupo ghako lipindi wandu wa maha watehinduka.”

“Munyu wa maha, ila pauyalamisa umunyu ghaki, kwahela njila gha kuighola ivile munyu kangi. Yamaha ng'ogha kwa lutupi hata kwa mbolea, hinu hudangwa hela. Yula avile na mapulukilo gha kuhyoghanila na ahyoghanili.”