Popular Bible Verses from Yohana 1

Share

Ila wala wogha wampokelili na kumkwinila, awagholile waweli wana wa Sapanga.

Pambila gha mlima wogha kulumbwa Lilando awelili, hayu Lilando awelili pamonga na Sapanga na mweni Lilando awelili Sapanga.

Mhana hau ungulangasa mulwiha, na lwiha liwesili ng'ogha kuusinda.

Hayu Lilando akawela mundu, na akalikala paghati gha twenga, na twenga tukaulola ukulu ghaki, ukulu wa mwana wa weka wa Tati, kangi akiwela kamema umaha na uchakaka.

Sapanga alumbili kila kindu kwa kupitila Lilando. Kwahela chochose kyeni kulumbwa bila Lilando. Lilando ndiwa kawesesa kila kindu kulama, kwaikiva mweni ndiwa kayegha mhana kwa wandu wogha.

Kilau ghaki Yohana amwonili Yesu akimhikila, akalonga, “Hayu ndiwa mwanakondolu wa Sapanga anguhumisa sambi sya wandu wogha!”

Hinu, hayu Lilando awelili mumlimawogha, pamonga na yiwa kwa kupitila mweni Sapanga alumbile mlima wogha, ila mlima wogha uwesile ng'ogha kummanya. Ahikili kumlima ghaki, ila wandu ghaki wampokelile ng'ogha.

Hau ndiwa mhana wa chakaka, unguhika kumlimawogha, na kuwalangasila wandu wogha.

Kwaikiva dahile Sapanga ayeghili laghililo kwa kupitila Musa, ila hinaa umaha na chakaka tupokela kwa Yesu Kilisito.