Popular Bible Verses from Ichedendik 32

Share

Ojinọng nwo oben-ẹ bẹ́, “Kọ ọdọk Jekọb màkpena, nakpen Israẹl, okurọ bẹ́, kk'arima amaana Ibinọkpaabyi, ọttara ayokinọng, akema.”

Nya o, ojinọng nwo oben-ẹ bẹ́, “Tte-m ọbọhk mfona, kirẹ ewu k'esobha.” Jekọb ọpọhn-ẹ bẹ́, “Kaam kọ ọbọhk mìntte, oye bẹ́, kk'aam ada.”

Okwu orik Jekọb kẹ-kẹ nya. Ojinọng wanẹ okwu orim-ẹ ábẹ̀ maa, ewu esobha.

Ofona nya, Jekọb okpe ibyi njo bẹ́, Pẹniẹl, oben bẹ́, “Kaam kk'Ibinọkpaabyi nza ttara achen paam afa, chibhẹ nya, ntim nrukọ akpen ka.”

K'ogbe kw'ojinọng nwo oze bẹ́, kẹ kokpo okema, otwu Jekọb ny'ogbok, ogbok-kọbhọ kw'Jekọb ọpyaarẹ.

Ojinọng nwo ọbọbh-ẹ bẹ́, “Kọ akpen yen?” Kẹ ọpọhn-ẹ bẹ́, “Mkpen Jekọb.”

Nya o, Jekọb oben-ẹ bẹ́, “Ototo, tek-m eche chọ.” Kẹ ọpọhn-ẹ bẹ́, “Kayen kw'abọbhọ eche chaam?” Minna kw'ozeng odo Jekọb nya.

Kaam ọtọhmnọng kwọ k'ọphyaam fọ, ọmaana ididaaka sọ maphyir-phyir, kimbaan. Kaam wa njek ọraanga kw'Jọrdan mmaana ochikwura kwaam kẹ-kẹ. Menda, kaam n'nde nkkaana mfa.

Kẹ wọ osi, tọma z'ogbe nwo maa, pyirẹ ma, anọng p'Israẹl m'eten ch'ẹbọk ọkọbhọ kw'ogbok kw'eten kpenamkpen kad-achi, okurọ bẹ́, ny'ogbok wọ kw'uwa mamumọ Jekọb ọttọhk.

Nya o, Jekọb oze njọm bẹ́, “O Ọvaar Ibinọkpaabyi kw'atte kwaam Abraham, ọmaana kw'atte kwaam Isaak, kọ kw'aben-m bẹ́, ‘Kpa nnam z'ẹkọma chọ, ọmaana z'anọng pọ. Kaam m'nsi idik ijibh inang-ọ.’

Ototo, kkaan-m arọhbh-m k'mbọhk s'agbaanakka kwaam Ẹsau. Ojor-m bẹ́, kẹ m'okwu orim-m ábẹ̀, obir orima ọmaana iva paam, ọttara ab'ọkka.