Popular Bible Verses from Ichedendik 17

Share

K'ogbe kw'uwa Abram node icho arọbh anna okwuma osowanẹ kw'ẹrọbh k'atam, Ọvaar Ibinọkpaabyi oyin okebh-ẹ nya, oben-ẹ bẹ́, “Kaam nde Ibinọkpaabyi kw'Ẹfa maphyir, tor ẹtọkọ chaam, abir asi ẹmmaana ch'etor-otor.

Kọ ọdọk Abram màkpena, kọ m'akpena Abraham, okurọ bẹ́, kaam nsọ-ọ otte kw'nkọma saabhada.

Kaam m'nsi echekẹ nda ch'ikaam nyen mmaan-ọ ettima ttattampe. M'ede ch'ikaam ọttara kọ, m'ebir ede ch'iva p'iva pọ k'ogbe kw'ikọ ikk'apa. Kaam m'nde Ibinọkpaabyi kwọ, m'mbira nde Ibinọkpaabyi kw'iva p'iva pọ k'epemaanitor

“Ma wọ ode odik kw'ikaam ikk'ncheka mmaan-ọ bẹ́, kọ m'ade otte kw'nkọma k'ẹkaan.

Ibinọkpaabyi ọpọhn-ẹ bẹ́, “Ma e. Kwanọng kwọ Sara, m'ọmaan-ọ ojinọngnwa kw'im'akpẹ-ẹ Isaak. Kaam m'nsi echekẹ ch'ttattampe mmaan-ẹ, ch'im'ebir ede ch'iva p'iva pẹ k'ogbe kw'ikẹ ikk'ọpa.

Kaam m'ntọka izek nja maphyir s'Kenaan s'aning ma mach'okikennọng, nnang kọ ọttara efona chọ, mayena ttattampe. Kaam m'nde Ibinọkpaabyi kw'efonamma chọ.”

Abraham otto okwubha ititika ny'izek; z'ettem, ọmma asa, oben bẹ́, “Ọnọng kw'ode icho arọbh achen mach'ikaam ma, m'osi yen pira obir obhon nnwa? Sara kw'obir ode icho arọbh anna okwuma ijobh ọdọk, m'osi yen pira ọmaan nnwa?”

Ibinọkpaabyi obir oben Abraham bẹ́, “Ṉ́nòde Sarai, kw'ode kwanọng kwọ, tọma ma china ororo, ọdọk Sarai mòkpena, kẹ min'okpena bẹ́, Sara.

Ẹnọmbhirẹ ndo ch'bọnga mm'asi m'ẹkọhka anọng bẹ́, kaam ọttara bọnga, nkk'echekẹ ọsa.

Okenaka, echekẹ chaam m'ebe ọmaana Isaak kw'Sara m'ọmaan, icho ogbese nwa.”

Tọma m'ogbe nwa china ororo, ojinọngnwa kpenamkpen kw'ọmmaan k'abọnga k'ottem, ópyirẹ iwu ochenọnttaan, mm'abhir-ẹ ọnọm. Tte ajinọng maphyir p'ammaan mabhirẹ inọm, ammaana, ọttara abira. Ozeng k'abira mbo p'mamaanẹ ny'abọnga k'ottem, ọttara mbo p'bọnga madebh-odebh, màbhirẹ bẹ ọnọm maphyir. Zaabẹ́ ode nnwa kw'mabhonọ ny'ọsọhm, obir ode kw'matim akpuka adebh o, mm'abhir-ẹ ọnọm. Echekẹ chaam ch'ẹnọmbhirẹ m'ede ch'ttattampe.