Popular Bible Verses from मत्ती 28

Share

ता ङेन वैवै पुरू सिमिकाङ्मोः ङन चेलाव धोँवा। ख्युकाङ्मोः पा, ङोह्जो रे पबित्र आत्मान मिह्‌नग बप्‌तिस्मा भिना। रे ङेनकाङ्मोः र्‌वापान तैस्याङ पुरू ङ्याना र्‌वार्‌वा ख्युकाङ्मोः लह्‌ना। आलै सेह्‌ना, ङा एकुरोभरि, सन्सारन अन्त्यन दिन्न बेर ङेनकोन ङ्याबोई लुईनान ङ्युँ।”

तब येसु रह्‌म्म स्वास्वा ख्युकाङ्मोः र्‌वाबो, “सेह्‌ना, स्वर्ग रे पिर्थीबिन आङ पुरू ङाः बिम्पा ङिह्पा।

जेङ्नै स्वर्गदुतजै मन चिमिचाकाङ्मोः र्‌वाबो, “नङिना, ङाः क्युई ङिह्पा, ङेन क्रुसग चुनचुन सप्पान येसू फाम्मः स्वापा जेङ्पा। जेङ्नै सेह्‌ना, येसु स्यीह् मह्‌या। जेँजै र्‌वापालैम नु ता सिह्पालै सम्पु ग्युर्पा ङ्याह्। स्वास्वा प्रभुन सिह्पान ल्हो नाम्पु सेह्‌ना!

येसुई ख्युकाङ्मोः र्‌वाबो, “नङिना, ङेन वैवै ङन थिक्‌कोवकाङ्मोः गालीलग वया र्‌वार्‌वा र्‌वा। स्याह्ई ख्युई ङाः रङ्नान ङ्याह्।”

ङोत्वा पुजारीवजै घङ अगुवावन ङ्याबो दीदी सल्‌ला खेबो आलै ख्युई सिपाहीकाङ्मोः सोह्ङ लैः बिमबिम र्‌वाबो, “ङेनजै झाःम र्‌वा कोई ‘छान्जे ङि आःपान भेला येसुन चेलावजै स्वास्वा नुन कुह्‌म खुखु वत्तँ।’ रोमी हाकिम-किमै ताह्दँ र्‌वाङिन ङि नुन ङ्याबो ल्होई मिलाई खेच्योवा। ख्युई अन्न भारेः छरा तये खेमत्वानान।” मन सेन्चे खेनानवजै सोह्ङ वव्वै ङोत्वा पुजारीवजै लम्पा लैम र्‌वाबो। अन ल्होई चन यहूदीवन घूँ चोँन बेरै फेल्पाई ङ्याह्।