Popular Bible Verses from मत्ती 15

Share

जेङ्नै सिमिन ङुरलै गेन्नान्न ल्होई नुन समलै स्वापा राह्‌नान। अनै ल्होईवजै नू बाःपा धोँ। तैङर्‌वाङिन सिमिन समन झिङलै नावा अलःव गेङ्‌ङ। अनै नावा अलःवजै खेपान कारन नुई सिमि सच्‌चे, जेँन ब्यभिचार खेचे, खुचे, लबारन साँचि बिन्चे, ल्हुई झाचेलैम धोन अलःव खेँ।

ङुरलै झिङ जाःनान्न ल्होईजै सिमी बाःपा दोङ्नान नङ्पा। नुन ङुरलै खोलोः गेन्नान्न जिचजै नू बाःपा धोँ।”

‘ङुरजै चन अन सिमिवजै ङाः सम्मान खेँ! जेङ्नै ख्युन सम चन ङन स्यीह्‌लै लैः ग्याङ्म ङ्याह्। ख्युई ङाः आराधना खेपा ता भाछ्योवा ङ्याह्। तैङर्‌वाङिन ख्युई एकुरो सिमिजै दोङ्पान लूह्‌लाम मात्र लह्ङ्‌ङ।’”

तब येसुई र्‌वाबो, “हे चिमिचा नान बिस्वास किम ङिम्न। नाई चाहि खेपा लैमै राःयो।” आलै नुन चमेः मन्नै भेला ताःबो।

अन ताह्ताह् मन चिमिचाई येसुन ल्हेग खल्बू क्याप्‌क्याप र्‌वाबो, “प्रभु, ङाः फुरी ख्या।” जेङ्नै येसुई र्‌वाबो, “जेँन वैचावन रोता तलतल ख्युकोग बिन्चे लः मराह्‌नान?” आलै मन यहूदीन खोलोःन चिमिचाई र्‌वाबो, “जेङ्पा प्रभु, जेङ्नै ख्युवजै र्‌वार्‌वा जेँन मालिकवन तेबललै छार्पान रोतान तुकराव झाँ न।”