Popular Bible Verses from प्रे 1

Share

जेङ्नै पबित्र आत्मा ङेनकोन स्याह् स्वामी ङेनकोजै सक्ति देन्नान ङ्याह्, रे ङेनको यरूसलेमग, यहूदिया पुरूग, सामरियाग रे पिर्थीबिन अन्त्यन नाःथाल ङन साँचि राह्‌नान ङ्याह्।”

येसुई ख्युकाङ्मोः र्‌वाबो, “पाई जेँन आङलम तोकि खेपान भेला रे लाह् क्युई राह्‌नान ङेनकोन धोन नङ्पा।

ख्युन ङ्याबो झाम छ्युङ्तौ नुई ख्युकाङ्मोः झाःम आदेस बिम्बो, “ङेनको यरूसलेमलै खारै नवया, जेङ्नै पाई रेनरुपा ल्होई पुरा रान बेर कुवा। अन्न भारेः ङेनकोजै ङनलम ताह्तपा ङ्याह्। तैङर्‌वाङिन यूहन्नाई ता त्युई बप्‌तिस्मा बिम्बो, जेङ्नै त्यान खजिर्यान ङिक ङेनकाङ्मोः पबित्र आत्माई बप्‌तिस्मा बिन्नान ङ्याह्।”

जेँन तूरि हुर्मी मिह्दा पक्‌का पर्मानलम ख्युन ङू नुई जेँगै सम्पु थम्बो। ङेथलर्या थाल नु ख्युन स्याह्‌ रङ्बो। आलै परमेस्वरन राज्यन भारेः ख्युकाङ्मोः स्याप्पो।

नुई अन ल्होई र्‌वामी, ख्युई सेन्तौसेन्तौ नु स्वर्गक्याँ थीबो, रे नु नमलूग ख्युन मीलै मोल्बो।

जब नु वैयङ खेपा ख्युई ती खेखे पान्नाङक्याँ सेम्पाई छ्युङ्पा ङ्याह्, तब तैमेग पाह्ल्म घोलाङ गोम्पा सिमि ङेपा ख्युन रह्‌म्म स्वास्वा च्याङ्बो। ख्युई र्‌वाबो, “हे गालीलन सिमि हो, ङेनको तैङ पान्नाङक्याँ सेनैसेनै थाङथाङ छ्युङ्पा ङिह्पा? अनै येसू, सु ङेनकोलम स्वर्गः वप्पो, चोँ कुजुई ङेनकोजै नू स्वर्गः वैपा रङ्बो, उजुखेखेई नु ह्‌याङ स्वानान ङ्याह्।”