Popular Bible Verses from मत्ती 7

Share

नि:च्यो जेलाई परमेस्वरये यानेले, खिमच्यो डैनेजेले, घच-घच झैच्यो जेलागिटं फैसिनेले।

कडालेकं जोये नि:व, होलाई परमेस्वरये योव, जोये खिमो, होये डोयो, जोये घच-घच झोयो, होलो ओलागिटं झला फैसिनेले।

“डस्साज़, ङा हैङावारो आव रो: ठैडे मानिने मी के उज़ी:म पहरलो ओटर्ट झैने उबुड्डि लेव मी स्यानाव टाये।

मीराई जेलाई खैटाव चाव गडाच्योरंकं वार्ने जेसुन्चिये, जे पनि होरंलाई हैटाव चावज़ डोच्योरं, कडालेकं मोसालो ओन्याम सोनो अगमबक्ताराई यापैज़्याव खास रो: आवज़।

कडालेकं जीबनलं केने झला साङगोरो टाये होकाम येम अप्ठारो टाये, नोये जीबन लेवङं केव, होकाम नो येम डैनेरं ठोकोज़ाज़ टारंये।”

“साङगोरो झलालाम पसिच्यो, कडालेकं नास टानेडे नाने झला घ्योव, सोनो सजिलो टाये, होकाम आवलाम पसिनेरं बनै भ्या लेरं।

हैजैडे जे माचाव मीरं टाडे पनि जेज़ारंलाई चाव बस्त याने जेसनये भने, स्वर्गटा लेने जेबाबुये ओल्स नि:नेरंलाई खाडंङ चाव बस्त योवरंके?

“उरुरंलाई डोसि टाठहरैच्योरं, होकाम जे पनि डोसि टाने जेमले। कडालेकं जे उरुरंलाई कैजैडे जेडोसैरंये हैजैडेज़ जे पनि डोसि टानेजेले। जो झैडे जे जेफोये जे पनि हैजैडेज़ फोडे डैनेजेले।

जोये आव ङापाङ ठैडे पनि हो अनसार माडोव, होलाई टोबो मुर्ख मीसं डान्जिसिये, जोये उज़ी:म बलौटं टर्ट ओझोयो।

नभाइलो उमिलङला लिज़्याव खा कडि नर:ङज़्याव, नङ नमिलंङला मोन्डा उलिज़्याव ठा माले? नङ नमिलंङलंज़ मोन्डा यालेखेभने नभाइलाई कैजैडे हैनडोडु, ‘नमिलंङला खा ङाहाइड्यान हैनंडो?’

“झुठा अगमबक्तारासं जोगिडे लेच्यो, नोराई जे लेवकं भेडारं मान्टि झैसिडे रारंये, होसोनो उज्युङलाम छे-छे ङप्सिव ब्वाङसारं स्यानाव टारंये। जे नोरंलाई याडोव याये:नटाम सरे:नेरंजेले। कडा ज़ुलो ओघार्ट अङ्गुर सैये डोरो? न ज़ुलो उसिङटं डी सैये।

हैजैडे स्यान्टै चाव सिङटं चावज़ सैये। होसोनो माचाव सिङटं माचावज़ सैये।

चाव सिङटं माचाव सै मासैये, न माचाव सिङटं चाव सै सैये।

चाव मासैने स्यान्टै सिङरंलाई पल्डे ढलैसिये, होकाम मे:लं ख्यासिये।