Popular Bible Verses from लुका 6

Share

उरुरंलाई योच्योरं, होकाम जेपनि डैने जेले। मीराई जेलाई खान्डि-खान्डि छलं-छलं झैडे यानेलेरं। कडालेकं जे उरुकारंलाई जोलाम फोडे जेयोरं, जे पनि होलामज़ फोडे डैनेजेले।”

चाव मीये उयुङलाम चाव रो:ज़ पुलोयो, माचाव मीये उयुङला माचाव रो:ज़ पुलोयो। कडालेकं युङलं खेटाव रो: ले, या:लाम पनि होज़ पुलुये।”

जेसुतररंलाई मया डोच्योरं, होकाम होरंलाई चाव झैच्योरं। होकाम फरि डैने आस माडोडे रिन योच्योरं, होकाम घ्योव इनाम डैनेजेले, हैजैडे जे स्यान्टैराई भन्डा घ्योवलो ओसन्तान टाने जेले, कडालेकं परमेस्वर बैगुनिरं सोनो यालाई फाईडा टाने ये:न डोनेरंलाई पनि डया डोवरंये।

जेबाबु डयालु ओलेव मान्टि, जेपनि डयालु टाच्यो।”

“उरुकाराई यानिया टाडोच्यो होकाम जेपनि जिनिया टाने माले। उरुलाई याडोस टापुलैड्याच्योरं, होकाम जेपनि डोसि टानेजेम्ले। उरुरंलाई छेमा डोच्योरं, होकाम जे पनि छेमा डैने जेले।

“हैनि पनि जे ठैनेरंलाई ङा हैङाडाच्यो, जेसुतररंलाई मया डोच्योरं, होकाम जेलाई घिनैनेरंलाई चाव झैच्योरं, सरापिनेरंलाई आसिक योच्योरं,जेलाई जेबिज्यात झैनेराई यालागिटं प्रार्ठना डोच्यो।

मीराई जेलाई खेटाव याझैच्योव चाव जेङप्सिये, जे पनि होरंलाई हेटावज़ झैच्योरं।”

नङलाई टोबो नबाङलाटं पो:नेलाई छुटं नबाङला पनि ठाङड्‌यो, होकाम नकोट नान्नेलाई नकंमेस पनि यो नङसं नी:नेरं स्यान्टैरंलाई योरं, होकाम नङसं लेव बस्तरं लाङनेलाई फरि टानि:।

“चाव सिङये माचाव ओसै माझाव, न माचाव सिङये चाव ओसै झावये।

स्यान्टै सिङरंलाई यासैटामज़ स:रेसिरंये। कडालेकं ज़ुलो ओघारटाम काङकायज़ डी माफ्याव, न पठरक्या टाम अङ्गुर फ्याव।