Popular Bible Verses from Mateo 23

Share

Muntu yeyensi yunaa akhopogwa awee molaala movamoonga venyu, akhopogiwa awee motomami wenyu.

Muntu yeyensi yunaa khwitantya pachanya khokela vaange, Matuunda alamotelemola panse. Ila muntu yeyensi yunaa khwitelemola panse, Matuunda alamotantya pachanya.

“Molakewona onywenywe valaangi va njaanga ja Musa ne Mafalisayo, onywee van'ya. Kho nguno mokhopumyaa lwande ya ikomi khwa Matuunda, vento vya mpia nndo, kete ntetele, matiti ganaa gakhotukelela, veloongo no onsambya. Ila mokhosiita mpola nkolo khokela njaanga ja Musa, kete mpola jenaa jekhogombekha khwa Matuunda, losongo no khogoomba, egoo agenee mokhopogiwa moganojele gensi makolo ne mado palomwi.

“Molakewona onywenywe valaangi va njaanga ja Musa ne Mafalisayo, vanaa mole van'ya. Mopwale kete vantu vanaa vakhosiinga vekhombe ne ibakuli panji topo, ila mokhate vijolajaa vento venaa mwavipatile khwa njela ja wiwi no wimi.

“Apenee Yesu apalaa, “Onywee vantu va Yelusalemu, Onywee vantu va Yelusalemu, vanaa mokhovawolaga valooti va Matuunda no khovakowa mabwee vantu vanaa Matuunda angile valagelelajwaa khwenyu. Ituungo lensi nkhogema khovakungan'ya onywenywe kete venaa nkoko khotokongan'ya tupiiya twakwe kho mapapa gakwe, ila onywenywe alemokhapoga.

Gechoo, ninga nanyu mokhwigela khwa vantu khwa panji kete a vasoga, ila mokhate mwijolaga kete vanaa vakhwinoja vasoga no obe.