Popular Bible Verses from मत्ती 28

Share

नैताइस्यु हिन्चिते, ओटन सोगलै देसला जातियाङजन सिइ जाएचिरते, बौ सनर ज़ा ओटन पबित्र आत्माल मिनत नकाङजन बप्तिस्मा योंचिरते, ङा जेजन आग्या ङायान्या सोगलै छेन मानिन्या नकाङजन ह्युउचिरते। खिम्चिते, ङा जुगल आसाप समन सदाई जेस लिज्याङा।”

तब येशु नकाङल्योङ रा:स्यु ऐआढोवाङ, “स्वर्ग सनर पिरथ्बीला सोगल अढिकार ङाजन यासिन्या लेया।

तर स्वर्गदुतले मेएमानेजन ऐढोवने, “झेन ताछ्याएचिन, दानाङभन्या ङा ऐसन्ङा, झेन क्रूसतं केप्सिन्या येशुजन झेनरोअज्याचिनु। ओ आल माल्दी, दानाङभन्या ओले आपानन्या अनुसार ओलं सिन्या बुल जिङदा ताइस्यु सोडा। राचिन्ते, ओलजन रानाएन्या पोल खिम्चिन्ते।

तब येशुले नकानेजन ऐआढोवने, “ताछ्याएचिन, हिनस्यु ङा भाईयाङजन गालीललं हिन्चिते ऐढोचिन्‌रते, नकाङै ङाजन ओङ रङन्या लेरा।”

जब मुख्या पुजाउरोयाङ सेर नेताङस दुउसिवाङ, तब नकाङै सल्ला ढास्यु, सिपाइयाङजन तबर रुप्या रांयोवाङ, ओटन ऐराढोवाङ। “जे ऐलेच्यो, कि ‘गे गेम्वाईज्याऔक नकाल सिइयाङ रा:स्यु नकाजन कुस्यु लाङदुरारैस।’ ओटन किगर्दाङ रोमी हाकिमल आनांल ईका छेन तापकन, गे ओलजन सभनस्यु जेजन जोगाइसिना।” तब सिपाइयाङै नका रुप्या राहोनौ, ओटन राह्युउन्या अनुसार राढाऔकाले यहूदीयाङ ल्योङ आछिमका दिन समन ईकाइ छेन फैलिस्यु लेया।