Popular Bible Verses from मत्ती 18

Share

दानाङभन्या जोङ नेंलोअ या तिनगोटा ङा मिनत दुउसिर, ओङ ङा नकाङल खार्ल ताइङा।”

“ङा मछ्यु फरि जेजन पानस्याच्या, पिरथ्बील जेमध्य नेंलोअ जो छेनत सहमति ताइस्यु कोबाअ नीदुच्या भन्या, ना स्वर्गला ङा बौङन जे नाल्ट ताइन्यालेया

येशुले तोलोअ इङन्या लुलजन नेराक खुल्स्यु नकाङल खार्ल आसच्यानौ, ओटन ऐआढोवाङ, “ङा मछ्यु जेजन ऐढाच्या, यिङ फिरिसिस्यु जे इङन्या लुलल्याङमन माताइदुच्या भन्या खकै स्वर्गला राज्यल पसिन्या माल्चिदी।

नैताइस्यु जोले ईका इङन्या लुलमन ओलझन्जै नरम जाटौ, नका स्वर्गला राज्यल सोगलैतन घिन्या ताइन्यालेया।

जोले ङा मिनङन तोलोअ ऐटाइन्या लुलजन ग्रहन ढोव, ओले ङाजन ग्रहन ढाङवा।”

“ङा मछ्यु जेजन ऐढाच्या, जे पिरथ्बील जो पोअच्यो, नका स्वर्गत पोअन्यालेसिया। ओटन जे पिरथ्बील जो पलाअच्यो नका स्वर्गत पलाअन्या लेसिया।”

ओटन येशुले निस्कर्स आपलिटौ “जे बै जेदाज्यूभाई या जेदिदीबैनाजन जेयिङ्ङन्ज छेमा मायोचिरकन, स्वर्गल लिज्यान्या ङा बौले बै जेजन नैताइन्या ब्यबहार ढान्यालेया।”

“तर जोले ङाजन बिस्वास ढान्या आका इङन्याङ मध्य तोलोअजन पाप ढाऔ परिङौ, बरु नाल ढेङल बडाक्कन्या लुङल चाखी पोअस्यु नकाजन घोलोमन्या समुन्दरल बुदाइन्या ठिक लेया।”

“जे बिचार नैलेव? तोलोअ रुल सय गोटा भेडाङ मध्य तोलोअ बिस्किस्यु हिनकन, ओले उनानसय वटाजन बनाएस्यु डान्डा घैरा जिऊल ना बिस्किस्यु हिनन्या तोलोअजन मारोअनाऔ का?