Popular Bible Verses from मत्ती 13

Share

तर चान्या येङल वाइसिन्या धूर नकाई ज्या, जोले बचन थएस्यु बुजिवा, ओटन मछ्युजै शई शशैवा। नकाले आवाइन्या धूरतन सय गुना, साठी गुना, तिस गुना शशैवा।”

ज़ुयाङ खार्ल वाइसिन्या धूर नकाई ज्या, जोयाङै रांजिबनल बचन थएरा, तर ईका सङ्सारलं आतिइ सनर धन-सम्पतल छलले बचनजन बाढा योंवा, ओटन नकाङ माशईरदी।

जब रुयाङै स्वर्ग राज्यला बचन थएर, तब दुस्टआत्मा रा:स्यु रायिङल वाइसिन्या धूर न्हानस्यु लाङवा ओटन नकाङ माबुजिरदी। यमदेए परिन्या धूरयाङ नकाङ ज्या।

चम लेन्या येङल वाइसिन्या धूर नाइ ज्या, जोले बचन आथटौ चोएटै हेसाङस्यु ओबजाक्कै आयिङले सुइकार ढोवा। तर नकाले आरिंन आमालाहौकाले ना तचिइठक्क याएज तन्वा, ओटन बचनल कारनले दुख अथाबा सटावट आरांऔ चोएटै ना छिनदेए हाएसिया।

“स्वर्गला राज्य तोलोअ खेएल मोअसिन्या धनमन ताइन्या हो, जो तोलोअ रुले ओलसं लेन्या सोगलै यएस्यु, तपाला नका खेए लङवा ओटन आनन्दै ताइस्यु हिना।

काङ्का धूर चान्या येङल परिवाङ, ओटन काङ्काङ सय, काङ्काङ साठी, काङ्काङ तिस गुना शई रांयोव।”

अन दुकौ बेला समन नेंलोअझन्जै तचोएकै घिऊ योंचिते। अन दुकौ बेला खानन्याङजन ङा ऐलेस्यु थाकङरा, ‘हादेए साम्बाअ भोअस्यु मील हिपौ नाल्ट मुठा पोअचिते, तर पलीमाजन ङा धन्सारल नाएचिते’।”