Popular Bible Verses from प्रेरित 5

Share

तर पत्रुस सनर अपुर प्रेरितयाङै ऐलेवाङ, “गे रुयाङल माङडी तर परमेस्वरलं आग्या पालन ढान्याईजै ताहा।

ओटन दिनकाईज नकाङै मन्दिरलं सनर झिम-झिमल हिनस्यु येशु जै ख्रीस्ट ज्या ऐलेस्यु ह्युउन्या सनर प्रचार ढान्या माराइदुरा।

तर पत्रुसले ऐलेऊ, “ऐ हननिया, पबित्र आत्मास दानाङ ग्वारस्यु छ्योङन सनर यिङ झेनयएन्या येएतन झेन तबठा मोअन्या छेन कैलेस्यु सैतानले झेन यिङल आझोअस्यानु? नका यिङ आमायेहौ समन नैति नका झेनमि माताइज्याऔका? ओटन ना झेनमायटौ हादेए नैति नका झेन अढिकारलै मालज्याऔका? ऐटाइन्या काम ढान्या बिचार झेनयिङल कढाई रांऔ? झेन रुजन माङडी तर परमेस्वरजन जै ग्वारस्यु नाएचिना।” आका छेन थएस्यु हननिया नामल वङौ ओटन नाले आपरान आराहौ। नका थएन्याङ सोगलैल छ्याइ पसिऊ।

ओटन आका मामलाल ङा जेजन ऐढाच्या, कि ईका रुयाङत अलक्कै चुङचिते, ओटन इकाङजन राइचिरते, दानाङभन्या इकाङल आका योजना अथाबा आका काम रुयाङ्ङन ताहकन ना ओलजै मिटीसिया। तर यदि आका परमेस्वरङन्ता हो भन्या जे इकाङजन रुकिऊ माढुदुचिदी। मानकन्ता जे परमेस्वरलं बिरोदल जेच्याङन्या ठहरिच्या।”