Popular Bible Verses from प्रेरित 11

Share

जब नकाले ओजन आडोटौ तब पावलजन एन्टिओखियाल आहोनौ। तब पुरा त बर्स समनज मन्डलीला रुयाङस नकाङ डोएसिज्याऔयन रांढोव, ओटन रुयाङल घिन्या बगालजन सिक्छ्या रांयोवाङ। बिस्वासी सिइयाङजन पहेला चोए एन्टिओखियालैज बिस्वासी ऐढासिवाङ।

बारनाबास ओलं रांऔ ओटन परमेस्वरलं अनुग्रहजन रङस्यु हेसाङौ, नैताइस्यु नकाङजन बिस्वाससकाए प्रभुत पुरा यिङले तोलोअ यिङला ताइस्यु लिज्यान्या हौसला आयोवाङ। दानाङभन्या नकाङ चान्या, पबित्र आत्मा सनर बिस्वासलं भरिपुर्न ताइन्या बारनाबास लेऊ। रुयाङल घिन्या बगाल प्रभुत चैइसिवाङ।

प्रभु येशु ख्रीस्टजन बिस्वास ढाऔक परमेस्वरले गेजन जो बरदान आयोव, नकाङजन बै नकाई बरदान योंवरा पाइनाई परमेस्वरजन रुकिऊढुदुन्या ङा काङ्का का?” जब ईका छेन थएरा पाइनाई नकाङ छपक्कै दिङवाङ, ओटन ऐलेस्यु नकाङै परमेस्वरलं महिमा रांढोव “आब ता परमेस्वरले गैरयहूदीयाङजन बै जिबनल नाल्ट पस्चातापल मौका आयोवाङ रैस।”