Popular Bible Verses from Matewu 5

Share

Kakale awungabesedzele tjivoneko, ukotjifumika netundu, koga notjibiga pehhugwi patjena; kudze tjivonekele bose bamun'umba. Netjedza tjenyu ngatjipenye kubanhu, kuyetila kuti babone mihingo yenyu yakanaka kakale bape Tate benyu bakudzimu gudzo.”

“Mutjedza tjehango. Nzi-nkulu wakabakiwa pehhugwi kwedombo awutosumbikika.

Bakakombolegwa bana moyo ntjena, ngobe banowhobona Ndzimu.

Bakakombolegwa banahhala nenyota yendulamo. Ngobe banowhogutshiwa.

Koga ndoti kumuli, idani zwita zwenyu, kakale mutembezelele banomudziyidza

Eti, “Bakakombolegwa bahayi mumeya, ngobe tjabo bumambo gwekudzimu.

Bakakombolegwa bawanguli. Ngobe banowhodan'wa beyi bakololo beNdzimu.

Bakakombolegwa banolila, ngobe banowhonyaladziwa.

Bakakombolegwa ibabo banodziyidziwa nentha yendulamo, ngobe tjabo bumambo gwekudzimu.”

Bakakombolegwa bana mawhilangoni, ngobe banowhowamutjila mawhilangoni.

“Makakombolegwa hapa banhu bemutuka, bemudziyidza, beleba kose kwakayipa nekwenyu, benyepa, nentha yangu. Hanhani mupululudze, ngobe mbhayilo wenyu unkulunkulu kudzimu, ngobe nayeyi zila banhu bakadziyidza balebesambeli bakahha kumutangila.”

Bakakombolegwa banamimoyo minyolo, ngobe banowhogala nhaka yehango.

“Mumunyu wehango; koga hapa munyu usingatjawhakale bumunyu, bumunyu gwawo gungamusidzigwa tjini wali? Awutjina n'hingo, wenolahigwa kuhhe koga ukatshambiwa zwawo nebanhu.”

Ndizo ke pelelani, saTate benyu bakudzimu bakapelela.”

Tjawunoleba ngatjibe ‘Ee’ hapa ubva ‘Ee’ kene tjibe ‘Aa’ hapa ubva ‘Aa’; kumwe kunopinda ikoku ndekunobva mububi.”

“Makawha kuti kwakayi, ‘Hhiho ngalilipiwe ngehhiho, hhino ngehhino.’ Koga ndoti kumuli, musinyanyayidzane nenhu mbi. Koga unokuloba paluhaya gweludli uwumpe kakale luhaya gwelumehwe.

Ndizo hapa hhiho lilo leludli likuta kuti utjinye, ulikopole, ulilahe. Kuhine kuti ulahikigwe nendungululo yembili in'ompela pana kuti mbili wose uposegwe mugehena. Hapa luboko gugo gweludli gukuthama kuti utjinye, uguthubule, ugulahe. Kuhine kuti ulahikigwe nendungululo yembili in'ompela pana kuti mbili wose uposegwe mugehena.”