Popular Bible Verses from Luka 3

Share

Kwakakoyetikala kuti banhu bose behha bewhobvubikiwa, Yesu atjibvubikiwa bo etembezela, kudzimu kwakahhuka, Meya Yakayengemala ikajitila pehhugwi kukwe ili mutjimo tjembili, senjiba, whi likabva kudzimu liti, “Iwe uNkololo wangu wandinoda, ndohanha kwazo mukuli.”

Johane wakahandula bose eti, “Imi ndobvubika nevula, koga kuna unamasimba apehhugwi kwe angu unowhobuya, mitjili yehangu dzidze andizolizanila yisunungula, iye unowhomubvubika neMeya Yakayengemala nemoto.

Ibani nezwiyeto zwinolakidza handuka, musitange mati mumikumbulo yenyu, ‘Tina Abhurahhamu ndibo tate bedu’; ngobe ndoti kumuli, Ndzimu unotubula thama bana ba Abhurahhamu nemabgwe iyawa.

Kuna hanhu latjibigwa kale pamidzi yemiti, nti wose usingazwale mitjelo yakanaka unowhotemewa ukaposegwa mumoto.”

Sekwakwaka kwagwa mulukwalo gwa Isaya nlebesambeli. “Whi lewunodanilila ali mutjilambanyika, eti baakanyani zila yaHe, mutambunudze zidlana dzidze. Wose nkuku unowhovukidziwa, matombo nezwitombwana kowhojitisiwa, zila dzakakombama dzowhotambunudziwa, zila dzina makadi dzowhobaakanyiwa; nebanhu bose banowhobona jidzo leNdzimu.”