Popular Bible Verses from Johane 6

Share

Yesu wakati kubali, “Imi ndimi tjinkwa tjebutjilo, iye unohha kundili haatowhobe nehhala, kakale unogalamoyo mundili haatowhobe nenyota.

Meya ndiyo inopa butjilo, nyama ayina bhatsho, matama andaleba kumuli ameya nebutjilo.

Musihingile zodliwa zwinowhopalala, koga hingilani zodliwa zwinogala kudzina kunobe kubutjilo gusingapele, gwamunowhopiwa neNkololo weNhu, ngobe pawunli Ndzimu Tate bakasa lutjayo gwabo gwebvuma.”

Ngobe whoku ndiko kuda kwaTate bangu, kuti umwe newumwe unobona Nkololo akagalamoyo muwunli abe nebutjilo gusingapele, kakale ndowhowumusa pahhuba lebupelo.”

Yesu wakabahandula eti, “Iwhoyu ndiwo n'hingo weNdzimu, kuti mugalemoyo muna iye waakatuma.”

Bose bandinopiwa naTate banowhohha kundili, kakale bose banowhohha kundili anditowhobatata.

Simoni Phethiro wakawuhandula eti, “He, tokoyenda kuna yani? Imwi muna matama ebutjilo gusingapele

Imi nditjinkwa tjipenyu tjakabva kudzimu, unowhotjidla itjetji tjinkwa, unowhotjila nekusingapele, tjinkwa tjandinowhopa kuti hango yose ibe nebutjilo umbili wangu.”

Akuna nhu ungahha kundili kuhhe kwekuti Tate bakandituma bawuhhisa, kakale ndowhowumusa muhhuba lebupelo.

Ngobe tjinkwa tjeNdzimu ndi iwhoyo unojita ebva kudzimu, unopa butjilo muhango.”

Imi ndimi tjinkwa tjebutjilo.

Yesu wakakotola zwinkwa, akaboka Ndzimu, wakati apedza boka, akakobela ibabo bakabaligele pasi; akathama ejalo bo newhobe, bose bakadla sekwabaka betubula. Bakati badla baguta, akati kubadiyiwa babe, “Wolelani zwipemu zwasala, kusibe netjinozanisika.”

Kwakati kepe tjatjiyenda kwemakhilomitha angaba mahanu kene matanhatu, bakabona Yesu eyenda pehhugwi kwegungwa esedzela pedlo nekepe. Bakahla, koga iye wakati kubali, “Ndimi, musihle.”