Popular Bible Verses from Luka 6

Share

Mwibae bange no benywe mwikaebwa, mwikatambûla mumaboko genyu kilêko kidjûle, kyakûkonkomekwa no kûotaota no kwêsêka, kibalo kilêko kyonka kilya kyamwakwêla kûbange, ûkyonka kyene kemilêla Kabesha Mpûngû kwamulê.”

Byonka nasho muntû musoga wakuimia bilongwa bisoga, kuima mubûkûsa bûsoga bwê mumutêma gwage, no muntû mubê wakuimia bilongwa bibê kuima mumutêma gwage. Kibalo muntû wakwêsamba kûkania kage bilya ku mutêma gwage.

Mone mwibakampwe bamangi benyu no kwêbalongela bisoga, mwibasendeke no namukakûdjagili kwêbwilisibwa kyokyonse. Mone kyabûntû kyenyu kikaba kikata, no benywe mwikaba baana ba Kabesha Mpûngû wamwigûlû biiko, kibalo gee wa bûntû kûbalya ba kufwisha no balya babûbê.

Mube no lûsa, nagwe ni Shenyu byalê no lûsa

“Namukebai bûkalabale bange, no benywe namukasi kûebwa bûkalabale, namukasadji bange, no benywe hamukasandjwa; mulekelele bange, no benywe mwikalekelelwa.

“Mone nanimilombola benywe bakûtegelela, mwibakampwe bamangi benyu, mwibalongele bûntû balya bemisikwe, mwibesele malyese balya ba kwêmita mulago, mwibalombelele balya bakwimilongela bibê.

Monka mwamutokele bantû bemilongele benywe mwibalongele byonka nansho.

Ntê Muntû ge kûkûûla kwêtama limo, mwalabwêle no lya bûbêlê; muntû ge kûkûswinia koti lyobe, musigêle no simisi. Gegense wakûlomba mwabêle, no gûlya wakuswinia bintû byobe no kakampwa akwêbwêlêlêshe.

“Hakûlê mutê gûsoga gwêkûbyala bihelo bibê, no mutê gûbê gwêkûbyala bihelo bisoga.

Mutê gogonse gwakûmanyikana kwa bihelo byage, kibalo bantû abasoboli bihelo bya kikûdjû ku mutê gwa miba no amunyonghoni kûsobola bihelo bya misabibu kû mitê gya migûnga.