Popular Bible Verses from Makətūbə̄ Yá̰a̰ gə̄ kə́ Jeju teē kum Ja̰a̰ dɔ tə́ 16

Share

Á̰a̰ī, m-ā m̄-reē tītə̄ nge ɓogə beé. Rɔ̄nel̄ i kə deē ń ndi kanjə̄ kənī ɓīī kumən tə́ ō, ngɔ̄m̄ kūbə̄ yān gə̄ na sōgə́ de gə̄ a̰a̰nən̄ loo njə̄rā tə́ rɔ̄n karī anī rɔ̄n sɔlə̄n ní ō.

Kə́ nge ko̰ mehḛ́ ɓōkə́ wōn̄g kə́ kem kópə yān tə́ kum bā kə́ bo ń i bā Opəratə ní tə́, anī man̄ kə́ tū tə́ iī kɔ̄ɔ́ kadə̄ róbə toń tām̄ yā mban̄g gə̄ ń a ḭḭn̄ gír ɓē tə́ yā reē ní tə́.

Nin̄ i ndíĺ kə́ majaĺ gə̄ kə́ ngé rāā yá̰á̰ kə́ yáā gə̄. Nin̄-aw̄n̄ rɔ̄ mban̄g kə́ dɔ nang tə́ gə̄ tə́ malang yā kɔsə dɔdə́ naā tə́, tām̄ ndɔ̄ kə́ bo ngá̰ý ń i ndɔ̄ yā Nə́ɓā kə́ bo kə́ tɔ́gən i ngá̰ý ní tə́.

Anī m-á̰á̰ ndíĺ kə́ yḛr kə́ tītə̄ karā̰ gə̄ mətá, teēn̄ ta dā̰ kə́ to ɓōĺ ngá̰ý ní tə́ ō, dā̰ kə́ rang tə́ ō, ta *nge koō ta kə́ rɔ̄kum aĺ tə́ ō.

Loo ń noō tə́ kəngā mbang kə́ ngá̰ý rāā de gə̄, adə̄ ngonjə̄n̄ kə rī Nə́ɓā kə́ nge kaw̄ kə tɔ́gə dɔ yá̰á̰ kə́ tōr̄ gə̄ ní tə́. Banī nin̄-tūrə̄n̄ háĺdə́ ɔsənə̄ń gɔnən alé.

De kə́ dɔ rā̰ tə́ kə́ ta kəga dɔ aw̄ ɓōkə́ wōn̄g kə́ kem kópə yān tə́ dɔ nang tə́. Anī de gə̄ ń tə́ré yá̰a̰ yā dā̰ i rɔ̄də́ tə́ ō, nin̄-rɔȳn̄ ndíĺ yá̰á̰ kə́ ɔsə kum gotə dā̰ ō ní, do səya̰ kə́ majaĺ ngá̰ý ō, kə́ tōr̄ ngá̰ý ō, əsō dɔdə́ tə́.

Ndíĺ kə́ majaĺ gə̄ ní ɔsən̄ dɔ mban̄g gə̄ naā tə́ loo ń a ɓārə́n̄ kə ta Hebəro na i Harmagedo̰ ní tə́.