Popular Bible Verses from Gōsə̄ najə̄ gə̄ 1

Ɓōĺ ndíĺ Kɔ́ɔ̄ɓē i ta kəla gír ger̄ yá̰a̰. I de kə́ ngáā aĺ gə̄ n a rāān̄ yá̰á̰ ndóō ō, kum kedə̄ ō mbóó tə́ ní. Ngōnə̄ḿ, ōō yá̰á̰ ń bɔbí ɔjiī ní ō, ī-lōō mbātə́ kɔjə̄ yā kó̰ó̰í ō.

Tɔdɔ̄ i mbātə́ kum kedə̄ n tɔ̄l̄ de kə́ mbóo ō, i kusə kə́ usən dɔ yá̰á̰ tə́ aĺ n ta de kə́ kur dɔn gətóo tḭ̄ḭ̄iń ō ní. Banī deē ń oō najə̄ yāḿ ní a ndi kanjə̄ sōl̄ yá̰á̰ kógə̄ḿ, a ndi jəke kanjə̄ sōl̄ yá̰á̰ kə́ to kum kaȳ aĺ.

Nge kum kedə̄ oō anī ənī kum kedə̄ yān dɔ madə̄ tə́ ō, de kə́ nge ger̄ kum najə̄ oō anī a rāā yá̰a̰ kə gosə̄neé njə̄rā kadə̄ gōtə́ ō.

Ngōnə̄ḿ, ré ngáń kə́ nujə kɔ̄ɔ́ gə̄ sāān̄ kadə̄ āw̄ loo sedə́ anī ī-mbātə́ kɔ̄ɔ́!

I gōsə̄ najə̄ gə̄ yā Salomo̰ kə́ ngōn̄ Dabid, mban̄g kə́ *Israel tə́, yā kadə̄ kum deē edə̄ń ō, deē ngáań ō, gerə̄ń kum najə̄ kə́ kun gidə kə̄ gogə́ gə̄ ō, kadə̄ deē əngeń yá̰á̰ ndóō kə́ ngáā, adə̄ i háĺ kə́ gōtə́ ō, yá̰á̰ kə́ gōtə́ ō, yá̰á̰ kə́ súmūú ō, kadə̄ ɔjənə̄ń de gə̄ kə́ kumdə́ gān̄g aĺ gə̄ loo gōn̄g yá̰a̰ ō, kadə̄ balsáa gə̄ kə mandə gə̄ gerə̄nneé yá̰a̰ ō, əndān̄neé ma̰ȳ yá̰a̰ ō.

Loo ń noō tə́ nin̄ a ɓāŕmə̄n̄, banī m-ā m̄-ndigədə́ aĺ ō, nin̄ a sāāmə̄n̄, banī a əngemə̄n̄ aĺ ō. Tɔdɔ̄ nin̄ mbātə́n̄ ger̄ yá̰a̰ ō, gə̄rān̄ kadə̄ kə n-ɓōlən̄ ndíĺ Kɔ́ɔ̄ɓē aĺ ō.