Popular Bible Verses from Makətūbə̄ kə́ nge ko̰ jōó ń Pol ndang adə̄ Tesalonik gə̄ ní 2

Share

Ādī deē kógə̄ḿ gól̄sí kə kum kedə̄ yānneé alé. Tɔdɔ̄ sɔɔ̄ kadə̄ mbātə́ najə̄ to kété, yā kadə̄ deē ń i nge rāā yá̰a̰ kə gō ń Nə́ɓā ndigə alé, á i ngōn̄ kə́ nge kudə kɔ̄ɔ́ ní, ɔjəń rɔ̄n kə̄ ndágá.

Banī jḭḭ ní, majə kadə̄ jə-ndadə̄ Nə́ɓā ngándáńg tām̄ yāsí sḭḭ̄ ngákó̰ó̰jí gə̄ ń Kɔ́ɔ̄ɓē táŕsí ngá̰ý ní tə́. Tɔdɔ̄ Nə́ɓā gə̄rāsí ta kəla gíŕ tə́, i yā kadə̄ ajən̄sí kə ta kūl̄ Ndíĺ ń i nge kɔr̄ kam̄ de gə̄ tayā ní ō, kə ta kūl̄ taā kem najə̄ kə́ rɔ̄kum ō.

Ni ń i nge mbātə́ Nə́ɓā ō, i nge kɔsə rɔ̄n kə̄ dɔɔ́ dɔ yá̰a̰ malang ń a ɓārə́n̄ na i nə́ɓā á de gə̄ a rɔȳn̄ ō ní, ni-aw̄ bátə́ ndi kem kújə yā Nə́ɓā tə́, ba əda kə̄ ndágá na ni na i Nə́ɓā.

Ādə̄ nəkɔ́ Kɔ́ɔ̄ɓē yājí Jeju Kərist ō, Bɔbə̄jí Nə́ɓā ń táŕjí ba rāā kem majə sejí á sɔl̄ kemjí ngándáńg ō, rāā adə̄ j-əndāī kemjí dɔ yá̰á̰ kə́ majə tə́ ō ní, sɔlə̄n̄ kemsí ō, mbūsə̄n̄sí tū yá̰a̰ malang ń ā ī-rāāī tə́ ní ō, tū najə̄ malang ń ā ə́daī kadə̄ rāā majə kə de gēé tə́ ní ō.

I tām̄ ń toō tə́ n Nə́ɓā adə̄də́ tɔ́gə́ kə́ kadə̄ rāādə́ kadə̄ ndúmə̄n̄ ní, yā kadə̄ nin̄-taānəń kem najə̄ kə́ sor̄ ō

Nge mbātə́ ndū najə̄ ní, a reē i kə tɔ́gə yā *Sətan ō, kə gíŕ yá̰á̰ kə́ yáā gə̄ malang ō, kə yá̰á̰ kə́ to kɔr kum kə́ rɔ̄kum aĺ gə̄ ō, yá̰á̰ kə́ gōtə́ aĺ gə̄ malang kə́ yā góləń ngé kudə kɔ̄ɔ́ gə̄ ō. Tɔdɔ̄ nin̄-gḛyn̄ najə̄ kə́ rɔ̄kum ń kadə̄ ajədə́ ní alé.

Tɔdɔ̄ yá̰á̰ kə́ to loo mundə̄ tə́ yā nge rāā yá̰a̰ kə gō ń Nə́ɓā ndigə alé ní, a rāā kəla kɔ̄ɔ́. Ba ré nge kɔgə̄n tḭ̄ḭ̄ rɔ̄n ngɔlaā ń toō gətóo kɔ̄ɔ́ pá tá