Popular Bible Verses from Makətūbə̄ kə́ ta kəga dɔ ń Pol ndang adə̄ Korḛntə gə̄ ní 13

Share

Tár a əre rɔ̄n, ni i de kə́ majə, ni a ndə̄ngā yá̰a̰ alé. Ni a tɔ̄ȳ rīn aĺ ō, a ɔjə rɔ̄n aĺ ō. Tár a rāā yá̰á̰ kə́ to rɔ̄sɔl̄ alé, ni-sāā yá̰a̰ tām̄ yān nəkɔ́ tə́ aĺ ō, rāā wōn̄g láẃ aĺ ō, əhɔ deē kemən tə́ aĺ ō.

Ni-tə́gā tan dan yá̰a̰ gə̄ tə́ malang ō, ngɔ̄m̄ taā kem dan yá̰a̰ gə̄ tə́ malang ō, əndā kemən dɔ Nə́ɓā tə́ dan yá̰a̰ gə̄ tə́ malang ō, əre rɔ̄n dan yá̰a̰ gə̄ tə́ malang ō.

Tár a rāā rɔ̄nel̄ tām̄ yā yá̰á̰ kə́ gōtə́ aĺ tə́ alé, banī ni a rāā rɔ̄nel̄ i tām̄ yā najə̄ kə́ rɔ̄kum tə́.

Ngɔlaā ní yá̰a̰ gə̄ ń ton̄ gotoó ní gíŕdə́ i mətá: I taā kem ō, kəndā kem dɔ Nə́ɓā tə́ ō, tár ō. Ba dandə́ nin̄ kə́ mətá gə̄ tə́ ní, nge kə́ bo tɔȳdə́ malang i tár.

Tár a to ngándáńg. Gír *kəda najə̄ kə́ Nə́ɓā əndā ta deē tə́ a gān̄g ō, gír kɔr̄ najə̄ kə ta kə́ tayā gə̄ a gān̄g ō, gíŕ yá̰a̰ ger̄ kə́ kə ta kūl̄ *Ndíĺ kə́ Táĺ a gān̄g ō.

Ká ré m-ɔ̄rəń i ta yā de kə́ dɔ nang tə́ gə̄ ō, yā *de kə́ dɔ rā̰ tə́ gə̄ ō, ba m̄-tár aĺ anī, najə̄ kɔrə̄ḿ gə̄ ton̄ i tītə̄ gində̄ kə́ laa gə̄ kə́ yā kənda naā tə́ kadə̄ ɓār̄ gə̄ beé, aláa i tītə̄ kōō ɓɔ kə́ ɓār̄ beé.

Ká ré m-ə́dań i najə̄ kə́ Nə́ɓā əndā taḿ tə́ aláa m̄-gerə̄ń i yá̰á̰ kə́ to loo mundə̄ tə́ gə̄ malang, aláa m̄-gerə̄ń yá̰a̰ malang, aláa taā kem yāḿ i kə́ mámák, adə̄ i nge ń a ndɔ́tə̄ kə mbal̄ bo gēé loo ndadə́ tə́ ní gə̄gē, ba m̄-tár aĺ anī, mā i yá̰á̰ kógə̄ḿ alé.

Ká ré m-ādəń i ngé ɓō gə̄ yá̰a̰ yāḿ malang adə̄ əsan̄ gə̄gē, aláa m-ə̄nań i rɔ̄ḿ horoó adə̄ hor o̰o̰ń gə̄gē, ré m̄-tár aĺ anī, yá̰á̰ kógə̄ḿ kə́ kadə̄ m-ə́ngé gírí gətóo.

Dan ń mā i ngōn̄ ɓáý ní, m-ɔ̄r̄ i ta ngōn̄ ō, gír̄ yāḿ i gír̄ yā ngōn̄ ō, najə̄ kɔrə̄ḿ i najə̄ kɔr̄ ngōn̄ ō. Ba dan ń m̄-tɔgə deē ní, m-ə́yá̰ yá̰a̰ rāā ngán gə̄ kɔ̄ɔ́.