Popular Bible Verses from Joni 14

Share

Selema na ni bila ku nshi; selema na na ni ba ku. Ba yiride durinya sua beyi na ba. Kede dishiya ku e basi nja e dege; kede ku zi womba.

Yesu keleba nkye, <<E ni na ni ma turiki nja gaskye nja leyi. Ba nsude yaa te anya ni Adaa sede e biya anya na.

Yesu nkye,<<Kede dishiya ku e basi. Ku beigaskye nja Mirikisi; ku kwa beigaskye nja Ni.

Sede nsude yaa sua ku nto, Aworo Nsuseki, nsude Adaa yaa saka yi a siki seni na, yaa kokoyi ku guru mbo nja yaa turunwa ku guru mbode ni gye ku.

Du nsude shina doka na de kwa biya e yi, e shiya ma nsude yaa so ni. Nsude ma so ni Adaa na yaa so yi, nja Eni ma na so yi ari na nana yi kiya na.>>

Na pata Adaa na, yaa ba ku nsu sua ku nto de yaa ma nja ku ari gbogbo Nsu sua nto ni e shiya ma Aworo ni gaskye. De durinya su yeda nshi ba, sobon su geni yi ba su kuma shina yi ba. Sede oku ku shina yi, sobon e ma nja ku yaa kwa zunwa a siki ku.

Guru mbode ku minya a siki seni na na yi, de Adaa e samu girima te anya Yaa yi. Nde ku minya guru mbo a siki seni na, Na yi ku nshi.

<<Nde ku so ni, kwa biya doka na.

A siki gizi Adaa na laki ma nyowa; nde e ma yomu aba, da Ni gye ku. Na te de ni gyala anya sobon ku.

A beyi de ni te gyala ku anya, Na zo de ni la ku te anya na, de kuma anya ni nja ni du.

Tomasi gye Yesu nkye, <<Obagizi, mu shina anya de ka te ba, kona mua shina turiki?>>