Popular Bible Verses from Marukwus 12

Share

Yeisu wa dnaɓəgbe, “Ədo n kwo dulo nu nyi: ‘Knatnubwa, O Israila: Dagayi əyi Shekwoyi, Dagayi woo lo gbmanyi nu. Ye Dagayi əho Shekwoyi n əho ədui vnyanya n əho wyewyeyii vnyanya n əho bwugbai vnyanya ɓədo n əho akalái vnyanya.’ Baayi nu nyi: ‘Ye əho kwnuzhiyi ngye əhohni.’ Ɓəgbetu ədo to lo n kwo du adəye m.”

Yeisu wa yì əwo amwutuyi zhi wa gna, “Gaiciya əmi nu gna fye, nyigbayi wyekwoyi ye wo kwu nyaga yafyi n nyaɓwasofyiba n du azaje nya vnyanya. Əɓa vnyanya ɓa knyiknyi nu ń əɓa nyaɓwa ɓanyi ga; ama əwo, dna n əwo awyekwo, wo kwu əwo nyahonyahoi ya fyi; ənya vnyanya ń wo ncei lo wa gyianyì ncei.”

Yeisu wa lo wa sasetu n awyei ce gaaga, n aba n a ɓə gnyi ai fyi nyaga nyi jesnu wa shi bəgyé awye shi ɓa ya əɓa gyiwye fyi n Dagayipwuwa nyaɓwasofyiba. Anyaɓwayi bəgyé ɓa ya gyiwye ayaakwo fyi n ɓo. Ama nyigbayi wyekwoyi, wa ɓe wa ya sisinkəɓwo azhnanai fyi ngwnu-aba, gyiwye to ɓə mwa m.

N ha ye wo n əho ədui vnyanya, n əho gənyikpei vnyanya, n əho akalái vnyanya, jesnu ha ye əho kwnuzhiyi ngye shi ho ye əhohni nyi, kwo dulo n apma a fa anyaga anakpei vnyanya ɓədo n anyakwnukwnui.”

Nlonu Yeisu wa gna ɓa, “Fye ga Kaisa ənya n kwo zhni Kaisa nya, Shekwoyi, ənya n kwo zhni Shekwoyi ənya.” Əwo əɓo kwa wo ɓa.