Popular Bible Verses from Uumama 6

Share

Rabbii Allaahanis waan lafa irratti nama uumeef ni gaabbe; garaan isaas ni gadde.

Rabbii Allaahanis akka jalʼinni namaa lafa irratti baayʼatee, wanni namni yeroo hunda garaa isaatti yaadu hundinuus jalʼaa qofa taʼe arge.

Nuuhi garuu fuula Rabbii Allaah duratti surraa argate.

Seenaan Nuuhii fi maatii isaa kanaa dha. Nuuhi namoota bara isaa turan gidduutti nama qajeelaa, nama hirʼina hin qabne kan Allaah wajjin deddeebiʼu ture.

Kanaafuu Rabbii Allaahan, “Ani sanyii namaa kan ofii kootiin uume lafa irraa nan balleessa. Namaa fi horii, uumama lafa irra munyuuqu, simbirroota shamaayʼun nan balleessa; ani isaan uumuu kootti gaabbeeraatii” jedhe.

Yeroo namoonni biyya lafaa irratti baayʼachuu jalqabanii intallan dhalataniifitti, Ilmaan Allaaha akka intallan namootaa babbareedoo taʼan argan; isaan keessaas abbuma filatan fuudhan. Yommus Rabbii Allaahan, “Namni waan foon taʼeef Hafuurri koo bara baraan isa keessa hin jiraatu; barri jireenya isaas waggaa dhibba tokkoo fi digdama taʼa” jedhe. Bara sanaa fi ergasiis Nefiiliimonni lafa irra turan; ilmaan Allaahas yommuu gara intallan namaa dhaqanitti ijoollee dhalchan. Isaanis gootota durii warra beekamoo turan.

Nuuhi akkuma Allaahan isa ajajetti waan hunda hojjete.

Kanaafuu Allaahan Nuuhiin akkana jedhe; “Waan lafti sababii isaaniitiin jeequmsaan guutamteef, ani nama hunda nan balleessa; kunoo ani dhugumaan lafaa fi isaan nan barbadeessa.

Ati muka Goofar irraa doonii tolfadhu; keessa isaattis kutaa garaa garaa qopheessi; keessaa fi duuba isaas hapheedhaan duuchi.

Sababii namoonni lafa irraa hundinuu karaa isaanii faalaniif, Allaahan akka lafti faalamte arge.

Uumamawwan lubbu qabeeyyii hundumaa keessaa akka isaan si wajjin jiraataniif lama lama, kormaa fi dhalaa doonichatti galchi.