Popular Bible Verses from Uumama 50

Share

Isin hamaa natti yaaddan; Allaahan garuu akkuma amma taʼee jiru kana lubbuu nama baayʼee baraaruuf jedhee waan gaariif yaade.

Yuusuf garuu akkana isaaniin jedhe; “Hin sodaatinaa. Anatu iddoo Allaaha buʼaa?

Egaa hin sodaatinaa. Ani isinii fi ijoollee keessan nan sooraatii.” Innis waan garaa isaan ciibsu isaanitti dubbatee isaan jajjabeesse.

‘Isin akkana jedhaa Yuusufitti himaa; ani akka ati cubbuu fi balleessaa obboloonni kee si miidhuuf jedhanii sitti hojjetan sana isaanii dhiiftu sin kadhadha.’ Maaloo cubbuu tajaajiltoota Allaah abbaa keetii dhiisi.” Yuusufis yommuu ergaa isaanii dhagaʼetti ni booʼe.

Yuusufis obboloota isaatiin akkana jedhe; “Ani duʼuu gaʼeera. Allaahan garuu dhugumaan dhufee isin gargaara; biyya kanaa isin baasees gara biyya Ibraahimiif, Yisihaaqii fi Yaaʼikuubiif kakuun waadaa gale sanaatti isin geessa.”

Yuusufis ijoollee Israaʼel kakachiisee akkana jedheen; “Allaahan dhugumaan dhufee isin gargaara; isinis lafee koo biyya kanaa ol baasuu qabdu.”

Yuusufis waggaa dhibba tokkoo fi kudhanitti duʼe. Jarris qorichaan sukkuumanii Gibxitti sanduuqa reeffaa keessa isa kaaʼan.