Popular Bible Verses from Uumama 32

Share

Namichis, “Ati sababii Allaaha fi namoota wajjin walʼaansoo qabdee moʼatteef siʼachi Israaʼel jedhamta malee Yaaʼikuub hin jedhamtu” jedhe.

Namichis, “Waan bariʼuu gaʼeef gad na dhiisi” jedhe. Yaaʼikuub garuu, “Yoo ati na eebbifte malee ani gad si hin dhiisu” jedhee deebise.

Yaaʼikuub immoo kophaa isaa hafe; namichi tokkos hamma lafti bariitutti walʼaansoo isa qabe.

Yaaʼikuubis, “Ani ifaan ifatti Allaah argeeraatii; lubbuun koo garuu oolfamteerti” jedhee iddoo sana Pheniiʼeel jedhee moggaase.

Namichis yommuu akka Yaaʼikuubin moʼachuu hin dandeenye argetti, buusaa luqqeettuu Yaaʼikuub tuqe; yeroo inni namicha wajjin walʼaansoo qabettis luqqeettuun Yaaʼikuub ni adoode.

Namichis, “Maqaan kee eenyu” jedhee isa gaafate. Inni immoo, “Yaaʼikuub” jedhee deebise.

Yaaʼikuubis, “Maaloo maqaa kee natti himi” jedheen. Inni garuu, “Ati maaliif maqaa koo gaafatta?” jedheen. Ergasiis inni achumatti isa eebbise.

ani gaarummaa fi amanamummaa ati ana garbicha kee argisiifte kana hundaaf hin malu. Ani yeroo Yordaanos kana ceʼetti ulee koo qofa qaban ture; amma garuu garee lama taʼeen jira.

Kanaafuu Israaʼeloonni hamma harʼaatti ribuu tafaa hin nyaatan; inni buusaa luqqeettuu Yaaʼikuub kan tafaan wal qabatu tuqee tureetii.

Yaaʼikuub akkana jedhee duʼaa godhe; “Yaa Allaah abbaa koo Ibraahim, Allaah abbaa koo Yisihaaq, yaa Rabbii Allaah, isa ‘Ati gara biyya keetii fi gara firoota keetiitti deebiʼi, ani waan gaarii siifin godhaa’ naan jette sun

Ani akka ati harka obboleessa koo Esaawu jalaa na baastu duʼaa nan godha. Ani, ‘Inni dhufee na ajjeesa; haadhotas ijoollee isaanii wajjin ni ajjeesa’ jedhee sodaadheeraatii.