Popular Bible Verses from Maliko 9

Share

Yesu akamlongie, “Ngita wiwesa kwidikila, fyonda fikuwesenika kwa munu yeaidikile.”

Baho daada va yula mdimi akatova kyowo akilonga, “Ndidikila, ila mbatwa lyangu seitosa, unitange.”

Suwe, Yesu peaingile kukaye vachulila vake vakamuhucha pevagehe weka mugati, “Wuli nefwe tulemwile kumuhecha yula lihoka?” Yesu akavahigile, “Lihoka ngita hava sevidagwa ndeni bila kumsuka Nguluvi.”

“Munyo nde nofu, ila ngita iyanangike, iwongelechwa na liki? “Muveche na munyo mugati yenu, mwikale kwa lutengamaso yumwi na yungi.”

“Munu yeyonda yeakumwanukila mwana ngita uyu kwa litawa lyangu, ekunjanukila nene. Namunu yeyonda yeakunyanukila nene, seakunjanuka nene hela, ila akumpokela na yula yeanitumile.”

Munu yeyonda yekuvagavila malenga gya kunyuwa, kwakuva nyenye vanu va Kilisito ndakyene seikosa kupokela sawadi lyake.”

“Munu yeyonda yaakuvagita vana hava vadodo kugita sambi vevakunidikila nene, ngiba awopilwe lwala likomi na kutagwa mulinyanza.

Na liho lyako likikusababisila kugita sambi, ling'ole! Ngiba uwingile kuung'achale va Nguluvi na liho limwi hela, kuliko kuva na mewo gyonda givili na kutagwa palyoto va figono fyonda weseuchimika.