Popular Bible Verses from Matayo 24

Share

Kangi lukelo lwa vanu volofu daupwemuka kwakuva lya sambi chihongelike. Ila munu daikwima ukangafu mbaka mwiso kwa kumdikila Kilisito, dailowolwa.

Ila peyave kufika mwiso, ichi Njowo Nofu lya ung'achale va Nguluvi dachidalikwa muinyi chonda, ili vanu vonda vaichele.”

Damwipulika makani ga fita na lupwepo lwa fita, ila mubihile kuva na nyengema, kwakuva ago ging'ang'wa gahumile, ila mwiso vene wave kufika.

Vanu va inyi yimwi vakwitova na vanu va inyi yingi, vanu va ung'achale umwi utovana na vanu va ung'achale wungi. Pono pamonga muinyi dakuvecha na njala na liyighayigha kila pono. Gonda ago ndi ngita lihingili lya kwanja lya kubaba mwana.

Luhano na inyi chichumba, ila njowo changu dasechichumba.

Kwakuva volofu davihumila vakilonga kila yumwi kuva, ‘Mwene ndi Kilisito Mkombosi!’ Na davakuvachanga vanu volofu.

“Akaendeliye kulonga kangi vakuvahecha neke mgudwe na kudochwa. Inyi chonda chikuvavipila kwakuva lya kunidikila nene. Kangi, vanu volofu davaleka kumdikila Nguluvi, davayivifya na kangi dasevakelana. Baho, davahumila vavichi volofu va udesi davakuvachanga vanu volofu.

Yesu akavahigile, “Mwilolele munu abihile kuvachanga.

Nondee na nyenye muveche suwe, kwakuva Mwana va Munu daikwacha chipindi semukichele.”

Suwe, mwilolele, kwakuva semuchela kigono kya kuwuya kwa Mtwa Nguluvi vetu.

“Ila, kwihela ata munu yumwi yeichela kigono awu lisaa daikwacha pandili, vala ndumindumi va kuluhano, vala Mwana, ila Daada weka hela, nde yeichela.

Kwakuva davahumila va Kilisito vaudesi na vavichi va udesi. Davagita kimanyilo kikomi na umanyitu wongofu gakuvachanga ata kwa vala vevahaguliwe na Nguluvi.

Ngita peikali chipindi cha Nuhu, nde peivecha chipindi cha kwacha kwa Mwana va Munu. Kwakuva chipindi icho, kabula lya malenga myolofu kugubika inyi, vanu vakali vilia na kunyuwa, vakitola na kutawuka, mbaka Nuhu peaingile muwato mkomi veukemelwe lisafina. Sevachele lyolyonda, mbaka malenga pegagubike inyi na kuvadocha vanu volofu. Nde peivecha chipindi cha kwacha kwa Mwana va Munu.