Popular Bible Verses from Balomɛ́ŋ 10

Share

Ɔ́mɔ́ya uguáhɔ guá niíd, agá eŋís ya bandɔ áneé Yésuse unyɛ Ɔgúná, ond aádáab agáhɔ gá ɔdɛ́m áneé, Uhaluá úméhémie yɔ́ uguá gibɛ́l, anábia gisódie.

Guág ɔdɛ́m guáhɔ gɔg, guáguídan naánahɔ agá gindényé, ɔ́mɔ́ya uguáhɔ guá niíd agá eŋís ya bandɔ anábia gisódie.

Agányɛ gɔg, guágɔdɛ́m guóguólonin uguá bídɔ́lígɔnɔn Ginɔ́g giá Nsɔ́m, ubuɔ́ díbídɔ́lígɔ́nɔnaá búólonin uguá Nugálɔ nuá Klístus.

Ŋŋɔ́ŋɛ yɔɔ́guɔya gɔg áneé: Mɔndɔ uwaáganaá ɔdɛ́m uguá Uhaluá udianáyɛ́n. Nsala gɔg idibá na bayúdɛn na abádiabá baglɛ́k, bámuanyɛ gidigid bógódi Ɔgúná omoómi, unyɛ nnuɛ́m ya ɔdɛ́m beseé gá busió buá bandɔ gidigid ɔbɔ́dɔ́ŋɔnaá yɔ́. Ɛɛ́ɛ, búnyɛ ubúɔ́yidɔn áneé: «Uwɔnɔ́dɔ́ŋinaá ɔhɛ́n huá Uhaluá, wanábia gisódie.»

Naánanyá ányá wa dógonye ɔhɛ́n huég kandabá áneé bámádɔ́m? Nɔ́ búnya ubúɔ́ŋɔ́n áneé: «Ndé hana búnya bunɔ́g gá guán obóloneé gá dógonye binɔ́g biá nsɔ́m.»

Naánanyá gɔg bánya bá dɔ́ŋɛ́ɛn yɔ́, henyé bámanyɛ bádiág ɔdɛ́m uguég? Súsɔ́n, naánanyá bánya bá guágɔdɛ́m uguég kandabá áneé bɔ́mɔ́bídɔ́lígɛ́n yɔ́? Naánanyá bánya bá bídɔ́lígɛn yɔ́ kandabá áneé mɔndɔ umódógínyé bɔ́?

Gá giagiá, nsúgie ya gigodi inya Klístus, gá gueleé mɔndɔ gidigid uwaágánaá ɔdɛ́m ubiá bugindényé buáguɔ́.