Popular Bible Verses from Walumi 12

Share

Lekeni kugesa gesa want'hu wa isi ino ivo wakugesa, mbali mbidulwe kwakutendigwa wapya mgati yenu, ili mdahe kuyamanya yala akuyalonda Mulungu na kumanya mbuli ikudamana ikumbwedeza na ikamilike halongozi hake.

Ivo ndugu zangu, kwavila Mulungu kachionela ubazi nk'hani, huwalombeni nk'hani ilaveni mweye wenyewe kwa Mulungu, muwe gesa nt'hambiko ili na ugima ila ya Mulungu na yakumbwedeza Mulungu. Vino nivo mkulondigwa kutenda kumfugamalila Mulungu.

Lolelo dyenu kufosela Mulungu uwatende mbwede, na mmahenyeko mfinyiliize na kugendelela kumulomba Mulungu siku zose.

Usekuhumwa na yehile, mbali yahume yehile kwa kutenda yadamane.

Mbwedane mweye kwa mweye gesa ndugu, kila mnt'hu amuone miage akufaya nk'hani.

Wabwedeni wayenu na ubwedo wenu uleke kuwa naubilikizi wowote. Ivo ikulondigwa mleke kutenda zambi, bali mtende mbuli zidamane siku zose.

Mtende mbuli yoyote ila mkuidaha ili muwe na nt'hindiwalo na want'hu wose.

Ndugu zangu mweye huwabwedeni, msekulihiza yehile, mbali mlekeleni Mulungu mbuli iyo, kwavila muna Maandiko ya Mulungu, Mulungu akulonga, “Mbuli ya kulihiza ni yangu nie.”

Lekeni kuwa wavu muu kuisa, mbali msankanileni Mulungu kwa moyo wenu wosa.

Kwa ujomwa niink'higwe na Mulungu, hulonga na mweye mose, chila mnt'hu aleke kulonda mbuli nk'hulu kufosa ivo akulondigwa awe, muipime wenyewe gesa ivo mwili kwa utogozi ula Mulungu amwink'hile chila mnt'hu.

Mnt'hu akawatendeleni mbuli ihile, mweye msekumuliha mbuli ihile, mbali mtende yala want'hu wakuyamanya kuwa yadamana.

Mkale goya mweye kwa mweye. Lekeni kuigoda kuwa mkumanya kuhuma wamwenga, mbali mtogole kukala na want'hu mbugilambugila. Lekeni kuiona kuwa mna umanyi nk'hani.

Vilavila, Maandiko ya Mulungu yakulonga, “Mnongwa wako akawa na nzala, mwink'he ndia adye, akawa na nk'hilu mwik'he mazi ang'we. Ukatenda ivo, naumtende aone chinyala nk'hani.”

Walombeleni yadamane wanongwa wenu ili Mulungu awenk'he yadamane na sio kuwenk'ha yehile. Denk'heleleni hamwenga na wose wakudenk'helela, na lileni hamwenga na wala wakulila.

Watazeni wayenu wakumtogola Kilisito gesa mweye vint'hu venu na muwahokele watafi kwa kudenk'helela.

Gesa ivomkumanya mtufi ni umwe na una mp'hingili nyingi, mbali chila mp'hingili ikutenda sank'hano yake. Vilavila na cheye, ingawa chiwengi, mbali chimtufi umwe kwa kuiyunga na Kilisito, na chila mnt'hu ni chimp'hingili cha miyage.