Popular Bible Verses from 2Wakolinto 4

Share

Ivo, hachikuvilolela vint'hu vikuoneka, mbali chikuvilolela vint'hu havikuoneka. Kwavila ivo vikuoneka ni vachipindi tu, mbali vint'hu havikuoneka vibule nk'homelezo.

Ivo hachikubwela kunyuma, hata mitufi yetu ikazeheka mbali kwa mgati Mulungu chila siku akuchiumba kaidi. Mahenyeko chikuyapata sio makulu, na niyachipindi tu, mbali yakuchink'ha utunyo ukufosa malolelo yose, utunyo uo ubule nk'homelezo.

Chikufosela chila mahenyeko, mbali hachikuhumwa, chikupata oga, mbali chikugendelela kutenda, chikuhenyeka, mbali Mulungu hakuchileka, na chikugwiswa mbali hachikudanganika.

Mbali cheye chili gesa vinongo china nguvu za Mulungu, ili kulagisa bila kufisa kuwa udahi uno mkulu wa uzonza ukulawa kwa Mulungu sio kumwetu.

Kwavila kwa ao, Shetani mulongozi wa isi ino kabananga umanyi wa wala hawakutogola, ili wasekuona lumuli wa Mbuli Idamane ya utunyo wa Kilisito, ili mnt'hu akamuona Kilisito awe gesa kamuona Mulungu.

Mulungu alongile, “Lumuli uwake mdiziza.” Nio yeye akumulika myoyo yetu, na kuchitenda chiumanye utunyo wake ula ukumulika cheni cha Yesu Kilisito.