Popular Bible Verses from Malako 9

Share

Yesu wumuvutudila ti: «Ebu teedi ti tala ti lendi sa dyambu! Misamu mimvimba mikwe hilamanga ku wonso muntu kwe sanga kiminu.»

Hansi na nsi tata di mwana wubulana ti: «Nkwikidi, nsadisa mu dyambu ti nii na kiminu ko!»

Yesu bu kavutuka ku nzo, milongoki myandi mimufuula bu baba yawu hiika ti: «Bila nki yeto tulembinini mu kuma mpeve yimbi beyoyo e?» Yesu wubateela ti: «Mpeve yibobo, mu lusambulu kaka yilendi duukila.»

Mungwa wumbote, kansi tala ti weka na zubulu, bwedi lulendi we vutudila nzenzo e? Beeno na nzenzo yi mungwa mu kati dyeno, mpe beeno mu kiyenge yeno na yeno.

«Wonso waatambula mu nkumbu ani wumosi mu baala bafyoti bebaba, meno bende katambudi, mpe yondowo ntambudi, ka meno ko katambudi, kansi tambudi yondowo wumfidisi.»

Wonso muntu waaluhaana mbungu yi mamba mu nwa mu nkumbu ani, mu dyambu ti luvwihulu ku Klisto, kedika nina luteela, yandi kaahombisa musendo andi ko.»

Kansi wonso muntu waabwisa mu masumu wumosi mu baala bebaba bafyoti bakwe kwikilanga mu meno, bumbote ku yandi bamukanga tadi didinene mu nsingu na bamulosa mu mubu.

Tala ti diisu dyaku dikwe kubwisanga mu masumu, katula dyo, bumbote mu kota mu Kimfumu ki mazulu na diisu dimosi na mu tubu na meso ma mamole ku tiya tu mbungulu.