Popular Bible Verses from Matayi 5

Share

Bakwe lemisanga mwinda mu tuula wo ku nsye kisiku ko. Kansi bafweti we tentika ha yulu kitentokolo ki mwinda, mwanki ka kyenzola bantu bamvimba ba mu nzo. Ni hahoho, bika mwinda eno wulezima ha ntadisi yi bantu, mwanki bayena mavanga meno mambote na bazitisa Tata eno wu ku mazulu.»

«Yeno bonso kya ku nza ludi. Mbanza yidi ha yulu mulandu yilendi swekama ko.

Kyese ku yobobo bana mitima mivedila, kadi bana yena Nzambi!

Kyese ku yobobo bana yena nsatu na mpwila yi lunungu, kadi bana yukutusu!

Kansi meno nina luteela ti: zoleeno mitantu myeno na sambidilangeeno bakwe lufyetikisanga.

«Kyese ku yobobo ba bamputu mu kimpeve, kadi kimfumu ki mazulu kyawu kidi!

Kyese ku yobobo bakwe tukisanga kiyenge, kadi bana batumisina baala ba Nzambi!

Kyese ku yobobo bana dila, kadi bana bombwa!

Kyese ku yobobo ba ku nsye mfyetokoso mu dyambu di lunungu, kadi Kimfumu ki Mazulu kyawu kidi!

Kyese ku yobobo bakwe fwilanga bahiika nkenda, kadi Nzambi waabafwila nkenda!

Kyese ku yeno ti bana lutuka, bana lufyetikisa, na bana luhunina misamu mimvimba mimbi mu dyambu dyani. Yangalaleeno mu kilumbu bekyokyo na duzumukeeno mu kyese, mu dyambu ti musendo eno waaba wuwunene ku mazulu. Bwabobo mpe bedi zominanga mimbikudi mi lutekidila.»

Kyese ku yobobo ba na lembami, kadi bana tambula nsi yi lusila Nzambi nsilulu!

«Yeno bonso munga wu nza ludi. Kansi, tala ti weka na zubulu, bwedi tulendi we vutudila nzenzo e? Wusidi dyaka kisalu ko, mbote bu balosidi wo ku mbazi na bantu badyeti wo.»

Bwabu beno bantu balunga, bonso Tata eno di ku mazulu wudi wulunga.»

Bika mpova eno yiba ninga tala ti “ninga”, kaani tala ti “kaani”, misamu mimvimba mi waatentika ha yulu mikwe fumanga ku Munga Mbi.»

«Yeno luyuwa ba ta ti: “Muntu kamana kutobola diisu, ngeye mpe mutobola dyo, na kamana kukatula dinu ngeye mpe mukatula dyo.” Kansi meno nina luteela ti: “Luvutulandi mbi mu mimbi ko. Tala ti muntu wukubendi mbata ha bundi di mimbakala, mutambila mpe dihiika.

Tala ti diisu dyaku dilubakala dina kubwisanga mu masumu, katula dyo na loosa dyo kitatu naku, mu dyambu ti bumbote ku ngeye mu katulu kinama kimosi kwandi ki nitu aku, na mu bika ti nitu aku yimvimba yitubu ku tiya tu mbungulu. Tala ti kooko kwaku kulubakala kukwe kubwisanga mu masumu, tabula ko na loosa ko kitatu naku, mu dyambu ti bumbote ku ngeye mu katulu kinama kimosi kwandi ki nitu aku, na mu bika ti nitu aku yimvimba yitubu ku tiya tu mbungulu.»