Popular Bible Verses from Yoane 14

Share

Nina lusisila kiyenge, nina luhaana kiyenge kyani. Meno nina luhaana kyo ka bonso nza yikwe haaninanga kyo ko. Ka luvizukandi mitima myeno ko na kaluyenandi bunkuta ko.

Yesu wumuvutudila ti: «Meno nii nzila, kedika na luzingu. Kunani muntu lendi kwenda ku Tata tala ti kahyokidi ku meno ko.

Yesu wuta ku milongoki myandi ti: «Mitima myeno mi vizukandi ko. Seeno kiminu mu Nzambi na seeno mpe kiminu mu meno.

Kansi nsadisi, Mpeve Yilongo yaatambika Tata mu nkumbu ani, yaalulongisa mimvimba na yaalubambula moyo mu mimvimba mi naluteedidi.

«Yondowo tambudi Misiku myani na sadidi myo, ni yandowo kwe ntyanga. Tata ani watya yondowo kwe ntyanga, meno mpe naamutya, mpe naazabakana ku yandi.»

Meno, naalomba ku Tata kaluhaana nsadisi yihiika yaaba neeno mimvu ka mimvu. Mpeve yi kedika, yo nza kabisidi mu tambula, mu dyambu ti ka nayena yo ko na kazebi yo ko. Kansi yeno ya luzebi mu dyambu ti yikwe zinganga ha kati dyeno na yaaba mu yeno ntangu ka ntangu.

Mpe kyonso-kyonso kima ki lwaalomba mu nkumbu ani, kyaanahidika, mwanki Tata ka kemboso mu Mwana. Tala ti lundombidi kima mu nkumbu ani, kyaanahidika.»

Tala ti luntiidi, Tumameeno mu Misiku myani.

Bibuka bibingi bii mu nzo yi Tata ani, nganunu naluteedidi ko ti nina kwenda mu lukubikila kibuka.

Bu naakwenda mu lukubikila kibuka, naavutuka, mpe naalubonga mu ba nani ha kimosi, mwanki ho ha nidi, yeno mpe luba hoho.

Toma wumuteela ti: «Mfumu, tuzebi ku wuna kwenda ko. Bwedi twaazabila nzila e?»